Hrei ‘nâu, lơ̆m tơring Quân khu 5 tŏk bŏk tơlĕch jang man 22 tŏ hnam trưng teh đak rong 2 jăl. Dôm tơdrong jang đei tơmơ̆t jên jang hrơ̆ch, ‘nao ‘noh đei lơ hơnih nhen: grŭp hnam hơnih vei lăng hnam trưng, thư viện, lăm hŏk jăl 1 păng jăl 2, lăm hŏk bộ môn, hnam pơtâp hơkâu jăn, dơnâu glơi, hnam pai gŏ, hnam sŏng sa, hơnih ƀĭch oei kơtă păng dôm hơnih tơplŏng kơdâu kơdâu.

Vă vei sơđơ̆ng dôm hnam trưng tơ tom rơih hŏk tro lơ̆m sơnăm hŏk 2026-2027, rim tơring hlôi athei Quân khu 5 tơgŭm khŭl lĭnh, gre tơmam vang jang tŭn hrĕnh tơdrong ming man, tơgop jăh ăn hnam trưng tơmơ̆t iŏk yua, pơm lăp hăm ‘meh vă hŏk pơhrăm đơ̆ng hŏk tro tơring sơlam, tơring pơmat tat dêh hloh.