Adrol kơ ‘nŏh, ƀok Hà Quang Hòa, tơ ‘ngla mir tơroi, dang 15 sơnăm adrol sơ̆, ƀât oei iŏk kơmăy sir sơlŭng đak, unh hnam ƀok ƀôh 2 tŏ pơsat, đei hloi tơmam ƀơm truh tơ̆ ƀô đô̆i.

Đơ̆ng rŏng kơ ‘nŏh, unh hnam kôch iŏk kơting, ƀŭ hơmet tơ̆ groi teh kông ƀiơ̆ păng hơnơ̆ng soh nhang, vei lăng. Đơ̆ng rŏng kơ sir chă, khul linh xăh Bờ Y dônh pơpôi akŏm kơting linh păng tơmam đei pơgiơ̆ sơ̆ kiơ̆ tơdrong hơgăt; vă hơlen năng, chih hơmet rim tơdrong mă trŏ hăm tơdrong hơgăt.