Ƀok Nguyễn Hoàng Giang, Kơdră Hơnih jang vei lăng kon pơlei dêh char Quảng Ngãi pơgơ̆r, đơ̆ng dôm năr blŭng, khei blŭng kơ sơnăm 'nao, rim hơnih jang, rim tơring athei tơlĕch pơm jang hloi, ưh đei lê̆ hơdar, tơhlăk đơ̆ng rŏng kơ năr pơdơh Têt.

Kơdră Hơnih jang vei lăng kon pơlei dêh char Quảng Ngãi adoi pơgơ̆r chă hơlen tôm sơnong jang oei tơhlăk kơ sơnăm 2025, akŏm hơmet mă keh đang; atŭm hăm noh jang kiơ̆ dôm tơchơ̆t đơ̆ng Đảng hăm tơchơ̆t pơm tơlĕch tơmam drăm mă hơdah hăm tơdrong tơplih 'nao, gơh hơgei, pơgơ̆r jang kơjăp, đei jơnei. Dôm tơdrong iung pơm jang blŭng sơnăm, mă kăl noh gah tơdrong pơm tơlĕch, tĕch pơdro, tơdrong iŏk bơngai năm pơm linh păng dôm sơnong jang dơnơm athei đei tơlĕch drơ̆ng minh kiơ̆ trŏ tơdrong tơchơ̆t tơlĕch.