Tơdrong vă jang ou đei trong hơtăih 48,4km, đei proh hơmet ming man kiơ̆ trong kâp III păng IV tơring groi kông. Trong să 9m, man hăm yâu hăk păng trong man hăm xi măng. Tơdrong vă jang ou đei iŏk yoa kon jên jang Trung ương dang 2.000 ti hlak jên păng kon jên jang tơring dang 350 ti hlak jên. Tơring đei tơlĕch jang tơ̆ rim tơring Ba Tơ, Ba Tô, Ba Dinh, Ba Vì păng Kon Plông, dêh char Quảng Ngãi. Khei ‘năr ming man đơ̆ng sơnăm 2026 truh sơnăm 2028. Tơdrong vă jang ou đei hơmŏ jang ‘lơ̆ng hơnăp jang tơƀưh dih băl kloh klĕch tơring găh Pơmơ̆t dêh char Quảng Ngãi hăm rim dêh char tơring Tơmăn Nam Trung bộ păng Tây Nguyên, tơgoăt hăm rim hơnih tơm jang mŭk drăm, dơnok đak dơsĭ tơm nhen Chu Lai, Dung Quất; adoi pơtrŭt kơtang jang sa hơdoi, atŏk tơ iung tơmang pơhiơ̆ tơ̆ rim tơring nhen Măng Đen, ‘măng sơlam apŭng plĕnh teh Bờ Y.