Tơ̆ hop akom, ƀok Lữ Ngọc Bình, Kơdră Hơnih bơ̆ jang ăn kơ Đảng dêh char Quảng Ngãi tơbăt hơdăh rim tơdrong tơchơ̆t đơ̆ng Ban Bí thư găh tơchơ̆t pôk hơtŏk pơm Koe ĭng Kơdră chĕp pơgơ̆r Hơnih bơ̆ jang Dăr lăng Đảng dêh char păng kơdră jang lơm Hơnih bơ̆ jang Dăr lăng kơ Đảng dêh char Quảng Ngãi. Kiơ̆ rim Tơdrong tơchơ̆t ou, Ban Bí thư tơchơ̆t pôk hơtŏk ƀok Trần Ngọc Tuấn, kơdră jang lơ̆m Hơnih bơ̆ jang Dăr lăng Đảng dêh char tŏk bơ̆ jang Kơ iĕng Kơdră chĕp pơgơ̆r Hơnih bơ̆ jang Dăr lăng Đảng dêh char Quảng Ngãi, jăl jang 2025-2030; Ban Bí thư tơchơ̆t pôk hơtŏk ƀok Trương Huy Tâm, Kơdră chĕp pơgơ̆r Hơnih Bơ̆ jang Nghiệp vụ II, lơ̆m Hơnih bơ̆ jang Dăr lăng Đảng dêh char vang mơ̆t jang lơ̆m Hơnih bơ̆ jang Dăr lăng Đảng dêh char Quảng Ngãi, jăl jang 2025-2030. Lăp đơ̆ng rŏng keh đang, Hơnih bơ̆ jang Dăr lăng Đảng dêh char Quảng Ngãi đei 4 ‘nu kang ƀô̆ chĕp pơgơ̆r păng 9 ‘nu bơngai bơ̆ jang.