Tơdrong pơlong Pơre nơ̆r jơ̆p teh đak 'măng mă 17 đei  343 tak phâm pơtruh pơlong kiơ̆ lơ kơluăi tơdrong tơroi nhen: pơre nơ̆r kơtă, ƀai chih, pơre nơ̆r kon kông; mă gĭt noh, 'măng mă blŭng pơre nơ̆r Podcast đei tơmơ̆t lơ̆m tơdrong pơlong hơpah. Lơ tơdrong hơpah kăp gĭt gô đei pôk hơpah nhen Ƀơ̆r pơre maih, bơngai pơre nơ̆r hiôk, ê-kíp pơre nơ̆r kơtă, host Podcast păng bơngai jang ki thươ̆t hơgei.

Tơdrong pơlong Pơre nơ̆r jơ̆p teh đak ưh hơdrô̆ jing hơnih akŏm dôm tak phâm hơgei mă oei đei lăng jĭ gru kơnăl kăp gĭt vă hơtŏk tơdrong pơre nơ̆r Việt Nam hơtŏk kơtang hloh lơ̆m chăl pơm jang kiơ̆ kơmăi kơsô̆, hơtŏk tơguăt đơ̆ng tơdrong tơroi juăt jue păng dôm bơngai chih pơcheh tơdrong hơgei 'nao, pơkăp truh dôm tơmam drăm pơre nơ̆r gơh hơgei, pơlan să kơtang hloh.