Hơnơ̆ng tơdrong jang ‘Măng hop akŏm mă 10, ‘năr 22/10, Quốc hội pơma dơnuh tơ̆ grŭp găh Luơ̆t hơmet ming, tơmơ̆t dơ̆ng 1,2 hơpăng đơ̆ng Luơ̆t Pơtho pơhrăm, Luơ̆t Pơhto pơhrăm đăi hŏk păng Luơ̆t Pơtho pơhrăm tơdrong jang. Lơ bơngai tang măt Quốc hội bơngơ̆t truh tơdrong chih hơmet hla ar hŏk gơh yua atŭm lơ̆m teh đak, vei sơđơ̆ng ‘lơ̆ng păng trŏ lăp yan âu. Luơ̆t Pơtho pơhrăm (hơmet ming) tơƀôh hơdăh tơdrong pơjing tơdrong jang pơtho pơhrăm kon pơlei pơih kơdih, hŏk kơjung dơ̆ng, tơmơ̆t dơ̆ng pơtho hŏk trung học tơdrong jang, pơm tơdrong hiôk vă hŏk tro hŏk răh chư đei hŏk răh tơdrong jang hai.

Luơ̆t kŭm tơlĕch pơm hla ar ƀônh, hŭt tơdrong asong ƀăng hŏk đang jăl 2 păng ăn bơngai gơh kĭ asong ƀăng hŏk đang jăl 3 đơ̆ng Kơdră Anih vei lăng găh pơtho pơhrăm jing Kơdră vei lăng hnam trưng. Dôm nơ̆r tơgop pơma dơnuh akŏm chih pơkeh tơdrong hơgăt vă hơtŏk ‘lơ̆ng bơngai jang, pơm lăp hăm ‘meh vă hơtŏk tơiung teh đak lơ̆m jăl jang ‘nao.