Kơdră chĕp pơgơ̆r Radiô Nơ̆r Pơma Việt Nam Đỗ Tiến Sỹ tơbăt đunh kơ ou mĭnh ƀar giĕng, Radiô hlôi tơlĕch nơ̆r krao hơvơn vang tơgop tŏ sĕt hloh 1 năr jên khei, hơvơn iŏk đei vă jê̆ 500 triu hlak jên pơtruh ăn kơ Mặt trận Tổ quốc Việt Nam tơgŭm djru ăn kon pơlei tơring ‘mi kial đak lip pơrăm. ‘Măng pơrô̆ hơvơn ‘măng mă ou hơnơ̆ng krao hơvơn rim kang ƀô̆, khul chih kơtơ̆ng ang, khul kih thuơ̆t păng bơngai jang lơ̆m Radiô Nơ̆r Pơma Việt Nam vang chă tơra, lăng ‘nou jĭ tơdrong jang, hơnăp jang ‘lơ̆ng hơ iă chă tơgŭm djru dih băl. Radiô Nơ̆r Pơma Việt Nam gô atŏk kơtang chih tơbăt dôm ƀai chih găh dôm tơdrong hơdrin hơmet pơ ‘lơ̆ng jang sa, ôp, sut hơmet lăm hŏk, hnam trương, vei lăng năng tông jang pơgang, tang găn jĭ jăn păng vang iung jang đơ̆ng khul kơdră tơring, hơnih mơdro sa, hơnih jang apŭng plĕnh teh, tơgop pơm hơtŏk jơhngơ̆m pran ăn kon pơlei kĕ yak hloh tơdrong tơnap tap.