VOV4.Bahnar - ‘Năr 26/1 lơ anih jang mơ dro sa tơ mang lăng hlôi chih “ kơ thơ” gơ̆ih kơ Thủ tướng tơ batw hơ dăh hloi lơ̆m khei 2 “Khei ‘năr pơ̆ih ‘măng Tơ mang lăng apŭng plĕnh teh tơ̆ Việt Nam”. Kiơ̆ rim anih jang mơ dro sa tơ mang lăng, hrei ‘nâu, Việt Nam tŏk bŏk pơ long lăng jang kiơ̆ sơng tơ moi tơ mang lăng apŭng plĕnh teh lơ̆m 07 tơ ring (05 tơ ring jăl jang 1 păng tơ mơ̆t dơ̆ng 02 tơ ring tơ̆ jăl jang 2). Mă lei đơ̆ng rŏng 02 khei pơ long lăng hăm dôm tơ drong ‘lơ̆ng, kŭm hăm dôm trong jang kơ jăp ăn tơ moi păng rim anih jang mơ dro sa tơ mam lăng, gre păr vang jang tơ drong jang, truh dang ei Việt Nam ‘nao sơng đei dang 8.500 ‘nu tơ moi. Yua thoi noh, rim anih jang mơ dro sa hơ len lăng, kăl đei tơ drong hơ met ming tơ tĕnh găh trong jang tơ gŭm hăm tơ drong ‘nâu vă pơm lăp hăm tơ drong ‘nao. Tơ chơ̆t pơ̆ih ‘măng tơ mang lăng apŭng plĕnh teh đơ̆ng Khŭl kơ dră teh đak, Thủ tướng teh đak ‘noh jĭ tơ drong hiôk vă dŏng arih rim anih jang mơ dro sa, dŏng arih 2,5 triệu ‘nu bơ ngai jang kơ tă lơ̆m anih jang păng kơ hrĕng triệu bơ ngai jang nai.

Thuem: Tơ blơ̆