Hơnih linh jang atŭm hăm jơnŭm pơgơ̆r tơring, Măt trâ̆n tôh kuô̆k păng rim jơnŭm tơpôl pơjao 10 tŏ hnam tơguăt tơguăl đei kơjă jê̆ 1 tih hlj ăn unh hnam tơnap tap; pơjao jên hŏk lơ̆m tơdrong jang “Pôk jơ̆ng oh năm truh hnam trưng – Kon rong kơđông Linh vei sơlam teh”; asong hloh 500 tơpu tơmam ăn unh hnam kon pơlei, kră pơlei, bơngai đei kon pơlei lui yom – khul jang dơnơm vang vei lăng sơđơ̆ng tơring sơlam teh.

Ƀơ̆t 'măng ou, tơdrong jang tơroi tơbăt khôi luơ̆t teh đak đei hơtŏk, mă kăl noh gah tơdrong pôk rơih bơngai tang măt ăn Kuô̆k hô̆i jăl 16 păng Hô̆i đŏng kon pơlei dôm jăl jang, tơgop hơtŏk hlôh vao, sơnong tơnăp đơ̆ng kon pơlei lơ̆m tơring sơlam.