VOV4.Bahnar - Hlŏh 30 anih jang lơ̆m apŭng plenh tĕh păng 100 anih tĕch mơ dro tih kơ tĕh đak đe vang truh hop akŏm roi tơ băt tơ drong tơ proh trong jang păng tơ mât jên tơ̆ tơ ring tĕh tơ măn đak krong Cửu Long, vă pơ gơ̆r ‘năr tơ ning 21/6 tơ̆ plt Cần Thơ. Nơ̆r roi tơ băt ‘nao đei Anih tơm tơ lĕch nơ̆r sơ kơ̆t, tơ mât jên jang tơ roi ăn khul chih tơ drong kơ tơ̆ng ang.

Hop akŏm roi tơ băt tơ drong tơ proh trong jang păng tơ mât jên tơ̆ tơ ring tĕh tơ măn đak krong Cửu Long đơ̆ng 2021-2030 vă tơ ƀôh trong jang kiơ̆ tơ drong Tơ chơ̆t kơ sô̆ 13 đơ̆ng Anih tơm Chinh trĭ găh trong jang atŏk tơ iung mŭk drăm, tơ pôl, vei sơ đơ̆ng tĕh đak, vei sơ đơ̆ng tơ̆ tơ ring tĕh tơ măn đak krong Cửu Long truh sơ năm 2030, trong jang truh sơ năm 2045; drơ̆ng nơ̆r tơ lĕch jang kiơ̆ trong tơ proh ăn tơ ring Tĕh tơ măn đak krong Cửu Long đơ̆ng 2021-2030, trong jang truh sơ năm 2050.

Phŏ Kơ dră tơm tơ lĕch nơ̆r sơ kơ̆t, tơ mât jên jang Trần Quốc Phương ăn tơ băt: Hop akŏm tôch gĭt kăl vă gơ̆h drơ̆ng nơ̆r tơ̆ rim anih jang kơ pal găh hơ năp jang, anih dơ̆ng păng tơ drong gĭt kăl đơ̆ng tơ ring păng tơ guăt jơ̆p tơ ring. Tơ guăt tơ ring athei jing đon tơ chĕng tơm vă chơng hơ nhăk tơ drong jang tŏk tơ̆ jơ̆p tơ ring păng dôm dêh char lơ̆m tơ ring.

Dơ̆ng: Tơ blơ̆