VOV4.Bahnar - Anih tơm vei lăng găh pơ tho pơ hrăm pơ gơ̆r Hop akŏm trực tuyến rơ̆ih hŏk tro mơ̆t hŏk kao đăng pơ tho mầm non, đăi hŏk sơ năm 2022. Phŏ kơ dră Anih tơm vei lăng găh pơ tho pơ hrăm Hoàng Minh Sơn pơ gơ̆r hop akŏm. Tơ roi tơ băt tơ̆ hop akŏm, Anih vei lăng pơ tho pơ hrăm đăi hŏk (Anih tơm vei lăng găh pơ tho pơ hrăm) tơ băt, trong vă rơ̆ih hŏk tro mơ̆t hŏk sơ năm 2022 vei sơ đơ̆ng thoi sơ năm 2021, lăp hơ met ming dôm tơ drong đei tơ drong ki thuơ̆t vă pơm tơ drong hiôk tôch ai ăn hŏk tro păng dôm hơ nih pơ tho pơ hrăm. Pơ ma pơ tôch hop akŏm, Phŏ kơ dră Anih tơm vei lăng găh pơ tho pơ hrăm Hoàng Minh Sơn chih iŏk tơ drong sơ năm ‘nâu dôm anih pơ tho pơ hrăm đăi hŏk iŏk yua lơ trong set rơ̆ih ‘noh jĭ tơ gŭm hơ drol đơ̆ng pơm tơ ‘ngla đăi hŏk. Mă lei, dôm hnam trưng kŭm athei hơ tŏk hơ năp jang tơ blang hơ dăh hăm bơ ngai hŏk păng tơ pôl. Hơ dai hăm ‘noh athei vei sơ đơ̆ng hơ tŏ băl ăn dôm hŏk tro đơ̆ng dôm trong pha ra băl.

Thuem: Tơ blơ̆