VOV4.Bahnar - Pơgê năr 26/8, Dơnŏ anĭh kanh sat dăr lăng Kŏng ang dêh char Lâm Đồng hlôi năm rôp 2 ‘nu bơngai yoch jang lơ̆m Hơnĭh tơm dăr lăng hơlen jĭ jăn dêh char Lâm Đồng vă hơlen, pơm hơdăh tơdrong sa pơgơ̆m pơjĭp muk drăm.

Khŭl bơ̆ jang dăr lăng hơlen hơnĭh bơ̆ jang kơ yă Hoa hăm ƀok Đạt

2 ‘nu bơngai rôp chĭt 4 khei ‘nŏh Phạm Thị Hoa păng ƀok Nguyễn Xuân Đạt, tŏk bŏk bơ̆ jang lơ̆m Hơnĭh tơm dăr lăng hơlen jĭ jăn dêh char Lâm Đồng. Lơ̆m khei ‘năr jang kiơ̆ tơdrong jang đei pơjao lơ̆m ‘măng jĭ hơbŭh Covid-19 đơ̆ng tŏk bŏk trŭh vă đĭ sơnăm 2021, 2 ‘nu bơngai au hlôi hơlĕnh pơdăr sa pơjĭp kon jên dang 600 trĭu hlak jên. Mă hơdăh, pơ đĭ 2 ‘nu bơngai au pơm hơtŏk măt tơmam drăm khăm hơlen.. Adoi chĭh tơroi hơlĕnh pơdăr dôm tơdrong khăm hơlen au to, đơ̆ng rŏng ‘nŏh tĕch tơmam drăm, kit test păng rim tơmam drăm khăm hơlen rơkăh kơ Kŏng ty kmăi kmok Việt Á vă iŏk jên. Dang ei, Kŏng ang Lâm Đồng tŏk bŏk apĭnh hơlen.

Tơblơ̆ nơ̆r: Amazưt