VOV4.Bahnar - Pơ gê 22/2 pơm lêh “Kĭ pơ kăp hla ar tơ băt jang hơ doi atŏk tơ iung Hnam kơ măy rơ gei đơ̆ng Anih tơm vei lăng jang kơ măy, tĕch mơ dro hăm Samsung Việt Nam” hăm tơ drong tơm pơ tho 100 ‘nu bơ ngai juăt jang Việt Nam păng tơ gŭm roi tơ ƀôh, hơ met ming 50 anih jang iŏk yoa kơ măy rơ gei lơ̆m 2 sơ năm (2022 - 2023) vă hơ tŏk đon gơ̆h hơ gei đơ̆ng khul bơ ngai juăt jang lơ̆m tĕh đak, hơ met pơ ‘lơ̆ng tơ drong iŏk yoa kơ măy pơm tơ lĕch ‘moi kiơ̆ kơ măy kơ mŏk mă naih jang đei.

Lêh kĭ pơ kăp hla ar chih tơ băt jang hơ doi atŏk tơ iung Hnam kơ măy rơ gei

Pơ ma lơ̆m jơ pơm lêh, Kơ dră tơm vei lăng jang kơ măy, tĕch mơ dro Nguyễn Hồng Diên akhan, tơ drong iŏk yoa kơ măy kơ mŏk sô̆ lơ̆m hnam kơ măy ưh tam mă gơ̆h pơ jing đei trong jang pơ truh tơ mam hăm kơ măy sô̆ păng kơ măy kơ dâu kơ dih, kơ na athei đei trong jang hơ doi tơ guăt rim trong jang đơ̆ng lăm păng tơ̆ ‘ngoăih anih tĕch mơ dro, đơ̆ng tơ drong pơ jing trong jang truh trong pơ gơ̆r răt iŏk.

Dơ̆ng: Tơ blơ̆