VOV4.Bahnar - Pơ gê (17/3), tơ̆ apŭng Krông Pach – Dak Lak, Anih vei lăng tơ mam pơ chĕh rơ gei (Anih tơm jang Khoa hŏk kơ măy kơ mŏk) jang hơ doi hăm Dơ nŏ anih vei lăng kon pơ lei dêh char Dak Lak pơ gơ̆r pơ jao hla ar chih tơ băt tơ mam “Sâu riêng Krông Pach”. Krông Pach jĭ tơ ring pơ tăm sâu riêng tơm kơ dêh char Dak Lak, hăm hơ găt tĕh pơ tăm ‘long đei plei truh 2.500 ha, plei ‘long rim sơ năm dang đơ̆ng 45.000 - 50.000 tân, iŏk yoa đơ̆ng 2.200 - 2.400 ti hlak jên.

Plei Sâu riêng Krông Pach, dêh char Dak Lak

Tơ drong đei chih tơ băt hơ năn tơ mam âu gô tơ gŭm ăn bơ ngai pơ tăm, anih tĕch mơ dro tưk tơ iung dôm kơ jă kăp gĭt găh tơ mam ‘lơ̆ng, anih pơ tăm, roi đei ư hơ nhang, pơih xă anih tĕch mơ dro plei sâu riêng đơ̆ng tơ ring. Bí thư đảng apŭng Krông Pach Trần Hồng Tiến ăn tơ băt, dôm anih jang kơ pal oei adrin jang hơ doi hăm kon pơ lei, anih tĕch mơ dro dar dĕh hơ met pơ ‘lơ̆ng dôm trong jang đơ̆ng rŏng dơ̆ng vă sâu riêng Krông Pach jing tơ mam drăm tĕch mơ dro tơm, đei tôm tơ drong hơ găt kăl vă tĕch tơ̆ dôm anih tĕch mơ dro tih nhen Nhật Bản, Hàn Quốc, Úc, Mi păng EU.

Dơ̆ng: Tơ blơ̆