Hla bar tơbăt jang hơdoi đei Ƀô̆ trương Anih tơm Hơtŏk tơ-iung Kơjăp sơđơ̆ng păng Cham char, adoi jang hloi Ƀô̆ trương pơgơ̆r gah Tơdrong jang Tĕch răt Singapore Grace Fu, păng Ƀô̆ trương Anih tơm jang Tĕch răt kơ Việt Nam Nguyễn Hồng Diên kĭ pơkăp. 

Hla bar tơbăt jang hơdoi jĭ tơdrong tơm vă hơtŏk tơdrong jang tĕch răt phe hơtŏk sơđơ̆ng, tơgop vei kơjăp tơmam drăm xa kơ 2 pah, kiơ̆ đơ̆ng tơdrong tang găn iŏk yua dôm trong tơjur tĕch răt tơmam drăm mă ưh kơ kăl. Kiơ̆ Hla bar tơbăt jang hơdoi, Việt Nam gô pơm pơyua ăn dôm tơdrong jang tĕch phe ăn teh đak Singapore kiơ̆ kơsô̆ phe mă 2 pah hlôi drơ̆ng nơ̆r, hăm tơdrong tơchơ̆t hơdah, kiơ̆ tơdrong kăl đơ̆ng teh đak Singapore.