Tang măt kơdră chĕp kơ̆l Anih jang Đảng dêh char, Anih vei lăng kon pơlei, Anih jang Mặt trận Tổ quốc Việt Nam dêh char Quảng Bình hlôi soh nhang, hơpong tơ̆ pơsat nhap ƀok Đại tướng Võ Nguyên Giáp tơ̆ Vũng Chùa, Đảo Yến găh xăh Quảng Đông, apŭng Quảng Trạch, dêh char Quảng Bình. Lơ̆m jơ kŭp yom, kơdră chĕp kơ̆l dêh char Quảng Bình hlôi dan kơ vang pơkao, soh nhang păng ‘măn pơnĭt kŭp kơ̆l tơƀôh jơhngơ̆m đon băt bơnê hăm dôm kŏng jang tih tên đơ̆ng nhap ƀok Đại tướng Võ Nguyên Giáp.

Nhap ƀok Đại tướng Võ Nguyên Giáp jĭ bơngai hŏk tro gơh hơgei hloh kơ ƀok Kơdră Hồ Chí Minh, bơngai yŏng đe ư hơnhang lơ̆m apŭng plĕnh teh, bơngai kon hơgei kơ pơlei pơla Quảng Bình. Nhap ƀok Đại tướng Võ Nguyên Giáp oei jing oei sa ‘lơ̆ng hơiă tôch kơ dêh, bơngai chĕp kơ̆l tơnăp găh jơhngơ̆m đon kach mang, đei bưng ai tih kơ Đảng, teh đak, Kon pơlei, Khŭl linh păng bôl buăl apŭng plĕnh teh.