Lơ̆m nŏh, “Siêu thị mini Tết asong đĕch” ‘nŏh jĭ tơdrong jang ‘măn ăn dôm unh hnam đei tơdrong arih xa mơmat tat, bơngai jo jăn păng bơngai jĭ tơnuh hin. 1 kơphĭu răt tơmam đei kơjă 500 rơbâu hlak, bơngai iŏk tơmam gơ̆h chă rơih kơdih dôm tơmam yoa kăl đei tĕch tơ̆ siêu thị nhen: sĭk, đak tŏh, phe, kơtăp iĕr bip, mi tôm, tơmam ƀou phu, ƀĕnh keo…

Sơnăm ‘nâu, tơdrong jang hơpăh 700 kơphĭu răt tơmam ăn bơngai tơnuh tơ̆ plt Buôn Ma Thuột păng thĭ xăh Buôn Hồ. Ƀlep ƀât ‘măng mă âu, dôm anih jang Đoàn lơ̆m dêh char kŭm đei lơ tơdrong jang chă tơgŭm ăn bơngai tơnuh, nhen: khăm, ƀơk đĕch pơgang hơmet jĭ, hơpăh tơmam yoa kăl, man tơgŭm hnam, hơpăh gre tang vang, hơpăh jên hŏk ƀŏng.