Đơ̆ng tơgŭm ăn kon pơlei pơm bơ̆n hla ar hăm kơmăy trư̆k tuyê̆n, hơtŏk đon tơplih ‘nao, pơcheh rơgei, tơplih hăm kơmăy sô̆, truh tơdrong năm jang tơgŭm mưh đei sar bar đơ̆ng tŏ ‘mi kial kơnê̆, lơ trong jang ‘nao đei tơlĕch, pơm hơtŏk đei đon tơnăp, jang rơgei đơ̆ng đoàn viên, druh dăm, kiơ̆ đơ̆ng noh tơƀôh hơdăh hơnăp jang gĭt kăl đơ̆ng sơnăm mơlôh lơ̆m chăl jang tŏk ‘nao.

Ƀok Y Giang Gry Niê Knơng, Phó Bí thư Đảng dêh char, Kơdră Anih MTTQ Việt Nam dêh char Đắk Lắk akhan, lơ̆m chăl ‘nao, khul jang Đoàn athei hơnơ̆ng tơplih ‘nao mă pran dôm tơdrong bơ̆ jang, lăp hăm trong jang tŏk atŭm lơ̆m chăl hle. Hăm tơdrong hŏk iŏk hrĕnh, gơ̆h jang kiơ̆ kơmăy kơmŏk ‘nao, druh dăm jĭ khul gơ̆h tơmât yoa hrôih dôm tơdrong pơcheh rơgei, jang kiơ̆ kơmăy sô̆ tơ̆ yăn âu, vang tơgop pơm hơtŏk muk drăm, tơpôl păng tơƀôh hơdăh hơnăp jang tơm, jĭ tơ 'ngla teh đak ning mônh kơnh.