Tơ̆ Hơnih gru groa jơhnơr hơrih kach mang Kơđông Anih jang Đảng dêh char Kon Tum tơ̆ xăh Măng Ri, apŭng Tu Mơ Rông, hloh 100 đoàn viên hơdruh tơdăm dôm anih jang: Anih jang Đoàn dêh char Kon Tum, Sư đoàn 10, Anih tơm pơgơ̆r Khŭl lĭnh dêh char, Anih tơm pơgơ̆r Ƀô̆ đô̆i vei lăng tơring sơlam dêh char păng Kŏng an dêh char hlôi vang soh plang nhang, dan pơkao tơƀôh jơhngơ̆m đon kŭp yom, ƀlŏk hơdơ̆r gĭt kăl kơ dôm bơngai jang kach mạng hơdrol sơ̆.

‘Măng âu tơ̆ plei Mô Po, xăh Mường Hoong, apŭng Đăk Glei, sơnăm mơlôh 5 khŭl lĭnh dêh char Kon Tum kŭm pơjao asong tơdrong jang “Trong hơdruh tơdăm tơ̆k hơdăh” ăn kơ 30 ŭnh hnam bơngai Xơ Đăng. Tơdrong jang đei 28 ŭnh kơ đeng măt ‘năr đei kơjă 50 triệu hlak jên tơgŭm kon pơlei hiôk ƀiơ̆ mưh năm vih vơ̆t tơ̆ trong lơ̆m gơmăng.