VOV4.Bahnar  – Dêh char Đăk Lăk to\k bo\k jing tơring hơbuh pơrang j^ Covid-19 hli hlơt hloh Tây Nguyên hăm kơso# bơngai [ơm j^ hloh 36.200 'nu, lơ\m noh đei 2.153 'nu 'nao [ơm j^ lơ\m năr 28/2.

Tơ\ plei tơm Buôn Ma Thuột, tơring mă pơrang j^ hơbuh lang xă tenh hloh dêh char, Kơdră Anih vei lăng kon pơlei plei tơm 'nao tơbang tơle\ch hla bar pơkăl đơ\ng năr 1/3, rim hnam trưng ho\k athei pơdơh ho\k kơtă hăm dôm jăl ho\k nhen jăl kơđeh truh Trung học Phổ thông, tơplih dôm jăl ho\k âu kiơ\ pơkăp trư\k tuye#n. Kiơ\ hla bar pơkăl âu, kơso# bơngai [ơm j^ Covid-19 tơ\ plei tơm to\k bo\k oei to\k tenh, kơso# F0 hơmet j^ tơ\ hnam to\k truh 99%, noh tơdrong pơdơh ho\k kơtă athei pơkăl, vă tang găn pơrang j^ tơpoh dih băl. Tơ\ Lâm Đồng duh oei tơpoh j^ đơ\ng 700 truh je# 800 'nu rim năr. Truh năr 28/2, tôm xăh, phương kơ plei tơm Đà Lạt păng apu\ng Đơn Dương adoi jing tơring [ơm pơrang j^ hli hlơt. Hăm tơdrong hơbuh hli đơ\ng pơrang j^, đơ\ng năr 28/2 đe hơ ioh jăl mâm non tơ\ plei tơm hlôi pơdơh ho\k tơ\ hnam trưng; ho\k tro đơ\ng lăm 1 truh lăm 6 athei ho\k trư\k tuye#n păng dôm trong ho\k pơhrăm nai.

 Lan chih păng pơre nơ\r