* Ea Súp jing apŭng xơlam teh kơ dêh char Đăk Lăk, ataih đơ̆ng pơlei tơm Buôn Ma Thuôt  pơhlom 85 km. Lơ̆m 5 xơnăm kơ âu, apŭng Ea Súp đei axong ming man 80 tơdrong jang kăl tơ̆ 9 xăh hăm kơsô̆ jên axong jang hloh 91 rơtăl hlj. ‘Nguaih kơ noh, apŭng hlôi tơgŭm man hnam ‘nao păng ming hơmet 637 tŏ hnam hăm kơsô̆ jên hloh  20 rơtăl hlj. Lơ̆m apŭng đei jê̆  20.000 unh hnam hin dơnuh, unh hnam tơjê̆ hin dơnuh gơh tŏk iŏk jên axong jang vă axong pơm jang, tĕch pơdro đei jơnei kơjăp. Ƀok Y Mlai Ƀuôn Yă, tơ̆ pơlei Ea Súp, thĭ trâ̆n Ea Súp ăn tơbăt, atŭm hăm axong jang hơtŏk mŭk drăm, kon pơlei tơrĕk truh tơdrong vei răk tơƀăk mong joh ayŏ kon kông:  “Bơnê kơ Đảng păng Khul Kơpal teh đak, bơnê kơ đe kơdră pơlei hơnơ̆ng chơng ba đe mơlôh băt vei răk tơƀăk mong joh ayŏ kăp gĭt, hơtŏk mŭk drăm, akŏm hŏk hơlen, tơdrong erih hơtŏk tơ-iung păng tơguăt tơguăl ‘lơ̆ng rŏ. Lơ̆m xơnăm ‘nao, inh hơpơi ‘moih kon pơlei bơ̆n phĭ tơtŏ, jơnap, kon xâu đei hŏk pơhrăm tôm gơh rơgei, đe ngê̆ nhơ̆n ‘lŏ xơnăm pơtho ăn kon xâu dôm tơdrong ‘lơ̆ng rŏ găh joh ayŏ kăp gĭt kơ hơdrung hơdrĕch kon pơlei Êđê bơ̆n”

* Ƀok Y Mlúi (hơdrung Jarai), bơngai đei kon pơlei yom oei lơ̆m pơlei Weh, tơring Hà Bầu, apŭng Đak Đoa, dêh char Gia Lai akhan: Sơnăm 2022, kon pơlei chơt hơ iă ‘nă hal kơ yuơ rim tơdrong jang sa-tơpôl hlôi vĭh hơlơ̆k ‘lơ̆ng hơ iă nhen so. Kon pơlei sơđơ̆ng jơhngơ̆m jăn sa, tĕch mơdro. Lơ ŭnh hnam hlôi tơ iung pơjing đei hnam ‘nao kơ jăp ‘lơ̆ng. “Trŭh dang ei kon pơlei tôch kơ chhôk, kơ yuơ chă jang sa hiôk hian. Kon pơlei sơđơ̆ng jơhngơ̆m chŏh jang sa, atŏk tơ iung mŭk drăm. Pơtăm păng vei lăng chehphe, ming man hnam ‘lơ̆ng, đei hơnĭh oei sa ‘lơ̆ng rŏ tơnŏ hiôk. Dôm trong bơ̆ jang đơ̆ng Đảng, teh đak tơlĕch ăn kon pơlei jang kiơ̆ ƀlep; kon pơlei tôch chơt hơ iă đei tơdrong erĭh sa nhen dang ei. Kơ dĭh ĭnh, ŭnh hnam nhôn jei hlôi sơđơ̆ng jang sa, kơ yuơ sơnăm au chehphe plei ăl păng tĕch măt ƀiơ̆, tơdrong jang sa sơnăm au jei iŏk đei kơ jăp hlŏh kơna kon pơlei sa roi hiôk chơt hlŏh dơ̆ng”..

* Pơlei U2 tơ̆ anih tơm thĭ trâ̆n Ea T'ling, apŭng Cư Jut, dêh char Đăk Nông. Pơlei dang ei đei hloh 320 unh hnam hăm pơhlom 1.600 măt bơngai, lơ̆m noh bơngai M’nông đei hloh 25%.

Tơdrong erih kơ kon pơlei mă tơm noh gơnơm lơ̆m dôm hơdrĕch ‘long pơtăm kăp gĭt nhen: ka phê, tiu, găr xơlơ̆k; dôm hơdrĕch ‘long pơtăm pơm pơnăn xa nai păng rong kon tơrong, ier bip. Ƀok Y Ghông – kră pơlei U2 noh xơ̆ jang kăch mạng ăn tơbăt: “Xơ̆ ki adrol kơ yaih phŏng, tơdrong erih kon pơlei  M’nông oei ƀơm tơnap tap, ưh kơ măh xŏng xa hrŭk hrơ̆p. Oei dang ei đei Đảng, khul kơpal teh đak tơrĕk tơgŭm, tơ̆ pơlei  U âu tơdrong erih kon pơlei đei ƀôh ƀiơ̆ bơih, pă gan đei unh hnam hin dơnuh. Adrô̆ bơngai hơlăh kơ jang đĕch noh mă hin dơnuh. Dang ei tơdrong jang kĕt keng, pơtăm tiu, ka phê, găr xơlơ̆k, ƀum ƀlang, tơh hơƀo... iŏk yua  đĭ mă âu truh mă to ưh đei pơngot ôh; măh xŏng xa hrŭk hrơ̆p bơih. Nhen unh hnam inh jang na xơnăm âu đei yua pơhlom đơ̆ng 70-80 kơƀao ƀa, măh xŏng xa bơih, ưh đei pơngot ôh”.