VOV4.Bahnar – Gie\ng âu ki, atu\m hăm ja#p teh đak, dôm dêh char lơ\m tơring Tây Nguyên hlôi ăn ho\k tro vih ho\k kơtă lơ\m pơkăp jang 'nao, vei xơđơ\ng tang găn păng tơjră pơrang j^ COVID-19. Mă thoi noh, me\ [ă ho\k tro duh tam mă đ^ pơngơ\t kơ đon [ơ\t kon năm ho\k tơ\ hnam trưng.

          Vă me\ [ă păng ho\k tro xơđơ\ng jơhngơ\m, rim hnam trưng hlôi axong anih adro# vă xơng kon hơ ioh kiơ\ rim lăm, tơgu\m tơroi ăn ho\k tro băt trong tang găn păng tơjră pơrang j^. Kô pơtho Phạm Thị Thanh Thủy, Kơdră Hnam trưng jăl kơ đeh Ngô Quyền, plei tơm Buôn Ma Thuột, dêh char Đăk Lăk ăn tơbăt: “Hăm ho\k tro lăm 1, hnam trưng hlôi pơkăp ăn đe pơtho pơgơ\r lăm gô dơ\ng ăh 'măng jang hnam trưng vă xơng đe oh. Đơ\ng ro\ng pơkă hơyuh to# ăn đe hơ ioh noh tơ oei ataih băl 1 met  đe oh gơh mơ\t tơ\ lăm. Lăng atu\m pơgê âu hloh 90% đe oh năm truh hnam trưng”

        Mă hlôi đei tơdrong hơmet kơchăng ăh kon hơ ioh năm ho\k tơ\ hnam trưng mă lei me\ [ă ho\k tro pơngơ\t hăm hơ ioh jăl mâm non, jăl kơđeh tam mă đei [et vaccine, tam mă băt hơdăh găh tơdrong oei ataih băl noh tơnap vă đe hơ ioh pơm kiơ\ [lep pơkăp tang găn pơrang j^. Pơmai Hoàng Thị Kim Loan, me\ ho\k tro 'nhăk kon truh hnam trưng mâm non Tân Thành, plei tơm Buôn Ma Thuột, dêh char Đăk Lăk ăn tơbăt: “Ba duh hiơ\r lơ\m đon lơ\m kơplăh pơrang j^ âu oei đei lơ bơngai [ơm F0, ăn kon năm ho\k noh me\ hăm unh hnam adoi hiơ\r lơ\m đon mă lei ăh hơ ioh athei năm truh hnam trưng [ơ\t ho\k lăm 1 ăh xơnăm kơnh. Noh hơmet kơchai đak adro# ăn kơ mon, kơn xut [o\ adro# vă hơ ioh ôp [o\, dăh mă ti hơ iuch noh xut”.

        Kơtă ăh Hnam trưng Mâm non Hoa Hồng, plei tơm Pleiku, dêh char Gia Lai pơih 'măng ho\k, pơmai Huỳnh Thị Thu Hà 'nhăk 2 'nu kon po truh hnam trưng. Rim pơgê, pơmai ăn đe kon kơ 'môch [ơ\r hăm đak [oh, pơkă hơyuh to# hơkâu jăn, 'nhăk che gom [o\ păng kơ[^nh đak adro# truh tơ\ lăm ho\k.

Kiơ\ kơ pơmai Hà, đơ\ng 'năr năm ho\k tơ\ hnam trưng, đe mon xo# hơ iă hloh; đe me\ [ă adoi phiơk kơ jơhngơ\m hăm tơdrong ưh đei vei lăng kon hơ ioh: “Inh [ôh ăh trưng mâm non, găh tơdrong xơgaih, noh đe duch jang tôch tơnăp. Adrol kơ hơ ioh truh tơ\ lăm, đe duch pơ 'nguaih rơgoh 'lơ\ng. Rim năr đe duch ăn hơ ioh nhă đak hơnơ\ng, ôp ti hăm đak pơgang. Inh [ôh rim bơngai đei [et vaccine đ^ bơih, me\ [ă athei tơgu\m ăn vitamin, canxi vă đe hơ ioh pran hloh, ke\ pơgăn hăm pơrang j^. 2 'nu kon inh đơ\ng đei năm ho\k, noh chôt vih tơ\ hnam muh măt hơ iă hloh”.

        Yă Trần Thị Thuỷ - Kơdră Hnam trưng Mâm non Hoa Hồng plei tơm Pleiku, dêh char Gia Lai ăn tơbăt, ăh tơle\ch ho\k ako\m, hnam trưng hlôi jang tôm pơkăp vei xơđơ\ng tang găn păng tơjră pơrang j^ COVID-19 kiơ\ pơtho đơ\ng anih jang y te# păng anih pơtho pơhrăm. Tơdrong xơng păng 'nhăk hơ ioh năm ho\k đei axong pơkăp kơtă ăh 'măng jang hnam trưng. Lơ\m lăm ho\k, ho\k tro cho# che gom [o\ păng oei ataih băl lơ\m tơdrong pơxuh pơchơt: “Hơmet pơm kiơ\ pơkăp 'nao lơ\m pơtoi pơm jang, noh hnam trưng gô jang tơnăp tơroi tơbăt hăm me\ [ă ho\k tro. Mă kăl noh hăm hơ ioh 5 xơnăm, vă hơmet mă 'lơ\ng, tơdrong hlôh vao păng tơdrong băt hơdăh ăn đe hơ ioh ho\k lăm 1 gơh xơđơ\ng noh athei jang răh tơdrong tang găn păng tơjră pơrang j^, vei lăng răh jơhngơ\m jăn, pơtho pơhrăm hơ ioh, kăl đei tơdrong jang hadoi đơ\ngme\ [ă păng hnam trưng".

        Ja#p dêh char Gia Lai hlôi đei 253/257 anih pơgơ\r ăn hơ ioh mâm non ho\ka ko\m. Lơ\m 1 gie\ng ho\k ako\m, hlôi đei 87% 'nu hơ ioh năm tơ\ hnam trưng. Lăng atu\m, tơ\ dôm apu\ng, th^ xăh, kơso# hơ ioh mâm non ho\k tơ\ lăm noh lơ. Tơ\ plei tơm Pleiku, pơtơm đei hloh 1/4 lơ\m kơso# hloh 14 rơbâu 'nu hơ ioh năm ho\k tơ\ 36 anih pơtho pơhrăm. Hăm tơdrong pơtho ho\k vei xơđơ\ng, kơso# hơ ioh chôt vih ho\k tơ\ hnam trưng to\k bo\k đei hơto\k rim kơ năr. Kiơ\ kơ yă Bùi Khoa Nghi – Pho\ Kơdră Anih Pơtho Pơhrăm Gia Lai, tơdrong mă ăn hơ ioh hrôih năm ho\k ako\m jing minh tơdrong kăl hloh: “Anih Pơtho pơhrăm hlôi pơtho minh [ar tơdrong kăl tơre\k [ơ\t hơ ioh năm ho\k tơ\ hnam trưng, vei xơđơ\ng ăn tơdrong tang găn păng tơjră pơrang j^ ăh rong 'me, pơtho hơ ioh mâm non; pơgơ\r dôm anih pơtho pơhrăm hơmo\ adrol kơchăng tơjră hăm dôm tơdrong hơbuh đơ\ng pơrang j^. Anih Pơtho pơhrăm pơkăp ưh đei pơhơi, vă 'nhăk ho\k tro chôt vih tơ\ hnam trưng, pơm trong hiôk hloh ăn hơ ioh vang ako\m tơdrong pơtho ho\k pơhrăm”.

        Vă pơgơ\r pơtho ho\k kơtă xơđơ\ng păng tơnăp, adrol kơ noh Anih Pơtho Pơhra\m dêh char Đăk Lăk duh hlôi axong khul chă hơlen tơdrong đei [ôh tơ\ dôm hnam trưng, pơkăl vei xơđơ\ng dôm tơdrong tơnăp hloh lơ\m tang găn păng tơjră pơrang j^. Xơnăm ho\k 2021-2022, dêh char Đăk Lăk đei hloh 1.000 hnam trưng ho\k hăm hloh 450.000 ho\k tro tơ\ dôm jăl ho\k. Khei năr âu tôm kang [o#, bơngai pơtho, bơngai jang găh pơtho pơhrăm Đăk Lăk hlôi đei [et to\ xe\t jat noh 2 'măng vaccine bơ\ng j^ covid-19 păng đei hloh 20% hlôi đei [et 'măng mă 3.

Lan chih păng pơre nơ\r