VOV4.Bahnar - Pơ gê 8/2, tơ̆ Anih jang kơ Trung ương Đảng, Tổng Bí thư Nguyễn Phú Trọng pơ gơ̆r hop akŏm Ban Bí thư hơ len năng tơ drong jang kiơ̆ tơ drong tơ chơ̆t đơ̆ng Ban Bí thư găh pơ gơ̆r Tết Nhâm Dần sơ năm 2022 păng Tơ dỏng tơ chơ̆t đơ̆ng Thủ tướng tĕh đak găh hơ tŏk tơ drong vei sơ đơ̆ng ăn Tết Nguyên đán Nhâm năm Dần 2022 vă gơ̆h chơt hơ iă, sơ đơ̆ng ‘lơ̆ng, gơ̆h ‘mơ ‘met.

Tổng Bí thư Nguyễn Phú Trọng pơ ma lơ̆m hop akŏm

Dôm kơ dră chĕp kơ̆l Đảng, tĕh đak truh hơ pong, hmach thơ thou têt tơ̆ 63 dêh char, plt, hơ păh tơ mam ăn rim bơ ngai đei kŏng, bơ ngai jang ưh đei vih xa têt tơ̆ pơ lei; năm ngôi, hmach thơ thou têt tơ̆ dôm xăh, pơ lei tơ ring sơ lam, kơ đông vei lăng tơ ring sơ lam, dôm khul jang tang găn jĭ Covid-19, trư̆k bơ̆ jang lơ̆m dôm năr têt.

Pơ ma pơ tôch hop akŏm, Tổng Bí thư Nguyễn Phú Trọng pơ ma hơ dăh, đơ̆ng rŏng kơ pơ dơ̆h têt, rim anih jang athei akŏm jơ hngâm bơ̆ jang hloi dôm tơ drong jang chinh trĭ, jăh hơ nhăk rim tơ drong thoi hmă dơ̆ng, pơm ‘lơ̆ng ăn rim tơ drong jang, pơ vih ‘lơ̆ng ăn kon pơ lei; ưh ăn đei tơ drong pơ gơ̆r xa têt đunh, jang ưh ‘lơ ‘lŏ, pơm ưh ‘lơ̆ng truh tơ drong jang xa, tĕch mơ dro kơ kon pơ lei păng anih tĕch mơ dro.

Dơ̆ng: Tơ blơ̆