VOV4.Bahnar - Tơ dra adrol, tĕch mơ dro ka hơ dang lơ̆m jăl khei mă 2 sơ năm ‘nâu tŏk pran păng rŏ năng iŏk đei truh 3 ti đô la Mi gơ nơm tŏk pran đơ̆ng dôm tơ mam ka hơ dang tơm ƀât hơ tuch jăl khei mă 1 păng ƀât blŭng jăl khei mă 2.  Kơ jă ka hơ dang tĕch tơ̆ tĕh đak 4 khei blŭng sơ năm đei hlŏh 3,6 ti đô la, tŏk truh 46,8% pơ têng hăm khei âu sơ năm sơ̆. 

Kiơ̆ tơ drong tơ dra, lơ̆m jăl khei mă 2, tĕch mơ dro ka hơ dang tơ̆ tĕh đak đe tŏk ‘lơ̆ng, ƀât mă dôm tơ mam ka hơ dang tơm đei: hơ dang, ka tra oei tĕch mơ dro tôch ƀônh hlot tơ̆ Mi păng Trung Quốc. ‘Ngoăih kơ ‘nŏh, kơ jă ka hơ dang tŏk kŭm hăm ưh kơ măh tơ mam tĕch lơ̆m apŭng plenh tĕh yoa tơ drong tơ blăh Nga - Ukraina kŭm jing tơ drong ‘lơ̆ng vă hơ tŏk kơ jă tĕch tơ̆ tĕh đak đe hăm dôm tơ mam tơm kơ pal pơ ma adrô̆ păng đĭ đăng ka hơ dang pơ ma atŭm đơ̆ng Việt Nam.

Dơ̆ng: Tơ blơ̆