VOV4.Bahnar - Tơ̆ hơ năp đei tĕh dơ drŏ hơ nơ̆ng tơ̆ apŭng Kon Plông, dêh char Kon Tum, ‘năr 26/4, Khul jang đơ̆ng Anih tơm vei lăng ming man truh hơ len năng tơ̆ yăn âu hăm 1,2 anih oei ming man tơ̆ tơ ring đei tĕh dơ drŏ lơ̆m apŭng Kon Plông păng đei jơ bơ̆ jang hăm Dơ nŏ anih vei lăng kon pơ lei dêh char Kon Tum.

Phŏ Kơ dră tơm vei lăng ming man Lê Quang Hùng pơ ma lơ̆m jơ bơ̆ jang hăm Dơ nŏ anih vei lăng kon pơ lei dêh char Kon Tum

Tơ̆ jơ bơ̆ jang hăm Dơ nŏ anih vei lăng kon pơ lei dêh char Kon Tum, lăng kiơ̆ nơ̆r chih tơ roi, nơ̆r pơ ma, kơ sô̆ chih jô̆ dang ei, Phŏ Kơ dră tơm vei lăng tơ drong ming man Lê Quang Hùng akhan, vă đei trong hơ len năng mă troĭ tĕh dơ drŏ, athei anih Tơ chĕng hơ len khoa hŏk Việt Nam, Anih jang khoa hŏk kơ măy kơ mŏk- Anih tơm vei lăng ming man pơ gơ̆r pơ lăp dơ̆ng kơ măy hơ len vă hơ met pơ ‘lơ̆ng kơ măy pơ tŏ tĕh dơ drŏ tơ̆ tơ ring lơ̆m khei ‘năr truh.

Hăm Dơ nŏ anih vei lăng kon pơ lei dêh char Kon Tum, khul kơ dră pơ gơ̆r tơ ring jăh athei dôm tơ ‘ngla dơ nâu đak jô̆ hơ len, lăng năng dơ̆ng tơ drong sơ đơ̆ng tơ̆ dơ nâu vă đei trong vei lăng; pơ tho ăn kon pơ lei kơ chăng hăm dôm tơ drong mưh đei tĕh dơ drŏ.

Dơ̆ng: Tơ blơ̆