Teh hơlih hli hlơt tơ̆ trong hơ̆ng Gia Bắc, Jăl trong 28 ƀơm pơvei 2 pah vih vơ̆t
Thứ năm, 10:30, 04/12/2025
Lan chih tơblơ̆
Lan chih tơblơ̆
VOV.Bahnar – Kơmăng năr 3/12, 'mi tih đunh jơ hlôi pơm ăn teh hơlih hli hlơt tơ̆ trong hơ̆ng Gia Bắc, lơ̆m Jăl trong 28, jăl găn xah Sơn Điền (dêh char Lâm Đồng).
Đơ̆ng rŏng kơ đei teh hơlih, khul juăt jang hlôi pơkăp pơvei anih hơlih, kâ̆m ưh kơ ăn gre vih vơ̆t pơđĭ 2 pah hloi vă tang găn sar bar. Pơkăp ăn ƀôh đei 5 hơnih hơlih, lơ̆m noh đei lơ teh tơmo đơ̆ng taluy pĕng hơlih huăng, lơ̆p drơh trong.
Anih jang vei lăng kon pơlei xah Sơn Điền tŏk bŏk oei jang hơdoi hăm Kanh sat vei lăng trong nơnăm Kŏng an dêh char Lâm Đồng hơlen măng năr vă tơroi ăn gre kơdou vih tơ̆ rŏng, ưh đei năm truh hơnih hli hlơt. Anih jang vei lăng trong nơnăm adoi akŏm bơngai jang, kơmăi kơmŏk năm truh hơnih teh hơlih vă dah hrôih hơmet ming trong nơnăm.
Viết bình luận