VOV4.Bahnar - Lơ\m dôm sơnăm kơ âu Têt pơtăm ‘long [lo\k tơbăt kơ {ok Hô hơnơ\ng đei dêh char Kon Tum pơgơ\r păng đei lơ kon pơlei lơ\m dêh char lăp đon. Sơnăm âu Lêh pơtơm Têt pơtăm ‘long hơdơ\r kơ {ok Hô đei Anih vei lăng kon pơlei dêh char pơgơ\r tro\ ăh ‘Năr cham char apu\ng plenh teh năr 5/6 tơ\ th^ tra#n Đăk Tô, apu\ng Đăk Tô. Tơ\ Lêh tơle\ch, Anih vei lăng kon pơlei dêh char Kon Tum duh pơtơm tơle\ch tơdrong pơtăm ‘nao 4.500ha bri lơ\m pơyan ‘mi Sơnăm âu.

Xơnăm âu, ăh khei 6 âu ki, tơ\ th^ tra#n Đăk Tô, apu\ng Đăk Tô, Anih vei lăng kon pơlei dêh char Kon Tum pơm Lêh pơtơm Têt pơtăm ‘long [lo\k hơdơ\r kơ {ok Hô xơnăm 2022 păng pơm kiơ\ ‘Năr cham char apu\ng plenh teh. Kơtă ăh Lêh pơtơm, khul kơpal dêh char Kon Tum, kang [o# rim anih jang, jơnu\m tơpôl atu\m hăm lơ kon pơlei apu\ng Đăk Tô hlôi iung pơtăm kơ hre\ng tơm ‘long lơ\m Cham pơhiơ\ năr 24/4 păng minh [ar anih lơ\m th^ tra#n Đăk Tô. {ok Đặng Hoàng Nam, Kơdră Anih vei lăng kon pơlei apu\ng Đăk Tô ăn tơbăt, lơ\m dôm xơnăm tơje# âu, jơnu\m pơgơ\r apu\ng tơre\k kăp g^t truh tơdrong pơtăm ‘long hơto\k bri vă pơjing cham char vei lăng bri: “Pơm kiơ\ tơchơ\t găh pơtăm bri tơ\ anih teh phui phang tơnang ko\, apu\ng Đăk Tô duh hlôi pơtăm đei hloh 500ha păng hloh 50.000 tơm răh rai. Khei năr truh, vă pơm kiơ\ tơnăp Tơchơ\t  16 Đảng [o# dêh char păng Tơchơ\t Hop ako\m Đảng [o# apu\ng ‘măng 17, apu\ng gô pơtoi pơtăm truh xơnăm 2025 noh athei đei hloh 1.000 ha bri păng hloh 50% kơso# bri lơ\m tơring kơ apu\ng Đăk Tô. ‘Nâu jing minh xơnong jang đơ\ng Đảng [o#, jơnu\m pơgơ\r tơring păng kon pơlei apu\ng Đăk Tô athei adrin pơm kiơ\ tơnăp păng đei jơnei”.

Tơpă ăn [ôh lơ\m dôm xơnăm tơje# âu, tơdrong pơtăm ‘long [lo\k hơdơ\r kơ {ok Hô păng pơm kiơ\ ‘Năr cham char apu\ng plenh teh hơnơ\ng đei dôm jăl pơgơ\r, anih jang păng kon pơlei dêh char Kon Tum pơm kiơ\, vang jang dăp đon dăp bơnôh. Tơdrong axong jơhngơ\m ăn tơdrong pơtăm bri duh đei tơre\k. Lơ\m ‘măng Lêh pơtơm Têt pơtăm ‘long [lo\k hơdơ\r kơ {ok Hô păng pơm kiơ\ ‘Năr cham char apu\ng plenh teh năr 5/6, Jên mong Vei lăng păng Hơto\k bri dêh char Kon Tum hlôi pơtruh jên jang ăn Anih Choh jang xa păng Hơto\k tơring tơrang dêh char răt, axong hloh 157.700 tơm hơdre\ch ‘long bri, đei dôm hơdre\ch nhen: ‘long giăr, ‘long hơ\ng, ‘long hơngo 3 hla... ăn dôm anih jang, rim tơring. {ok Hồ Thanh Hoàng, Kơdră Jên mong păng Hơto\k bri dêh char Kon Tum ăn tơbăt: “Nhôn duh hlôi axong jên io\k đơ\ng jên jang kơ dôm anih jang găh đak xo\ nhă rơgoh păng dôm anih jang ko\ng ng^p đei yua thong đak hăm kơso# jên 650 tr^u hlj vă tơgu\m ăn Anih vei lăng kon pơlei dêh char axong ăn Anih Choh jang xa păng Hơto\k tơring tơrang răt tơm hơdre\ch. Hăm tơdrong drơ\ng minh đơ\ng anih jang ch^nh tr^, đei lơ kon pơlei lăp đon, dêh char Kon Tum gô pơtăm bri đei jơnei keh kong”.

Lơ\m pơyan ‘mi xơnăm âu, dêh char Kon Tum tơchơ\t pơtăm ‘nao 4.500 ha bri. Kơtă đơ\ng ro\ng Anih vei lăng kon pơlei dêh char pơjao tơchơ\t, 10 apu\ng, pơlei tơm lơ\m dêh char păng dôm anih jang tơ ‘ngla bri hlôi tơle\ch pơkăp pơm kiơ\ xơnong jang. Minh [ar tơring chih măt pơtăm bri yak hloh tơchơ\t tơle\ch, nhen apu\ng Đăk Hà chih măt pơtăm ‘nao 450 ha hloh 152ha pơtêng hăm tơle\ch pơjao; pơlei tơm Kon Tum pơkăp pơtăm ‘nao 500 ha yak hloh 302 ha pơtêng hăm pơkăp pơjao... {ok Võ Sỹ Chung, Kơdră Anih jang hơlen bri dêh char Kon Tum ăn tơbăt, atu\m hăm adrin pơgơ\r pơtho găh kih thuơ\t, rơih hơdre\ch tơđăh tro\ [lep vă pơtăm bri, anih jang duh hơto\k pran tơdrong vei lăng tơnăp hơgăt bri oei đei dang ei nhen hơgăt bri pơtăm ‘nao: “Lơ\m tơring kơ ja#p dêh char dang ei nhôn to\k bo\k pơtoi iung pơm jang atu\m hăm dôm jăl jang kơ dôm apu\ng, pơlei tơm jang tơnăp tơdrong vei lăng bri oei đei păng gô hơto\k bri pơtăm lơ hloh dơ\ng”.  

Lơ\m ja#p dêh char Kon Tum dang ei đei hloh 780.000 ha bri păng teh bri đei je# 80% hơgăt teh lơ\m ja#p dêh char. Lơ\m xơnăm 2021 âu ki, rim tơring păng anih jang tơ ‘ngla bri lơ\m dêh char hlôi pơtăm ‘nao đei hloh 4.800 ha bri păng hloh  701.000 tơm ‘long răh rai yak hloh pơkăp tơle\ch. Pơyua tih hloh mă bri hơ ‘nhăk ăn tơdrong erih, lơ\m noh đei jơnei đơ\ng tơdrong pơkăp kla jên vei lăng bri to\k bo\k oei hơto\k jơhngơ\m pran ăn tơdrong pơtăm bri păng vei bri tơ\ dêh char Kon Tum.

Kon Tum hơ tŏk trong thu jên păng tưk tơ iung tơ drong đei yoa đơ̆ng jên vei lăng bri 

Đơ̆ng kơ sô̆ jên kla ăn tơ drong vei lăng bri, khei ‘năr âu ki, dêh char Kon Tum adrin vei kơ jăp, tŏk tơ iung trong thu jên păng tưk tơ iung tơ drong đei yoa đơ̆ng vei bri. Đơ̆ng rŏng âu nhôn apinh jet ƀok Hồ Thanh Hoàng, Kơ dră Anih mong jên vei lăng păng atŏk tơ iung bri dêh char Kon Tum găh tơ drong chĕp vei, tưk tơ iung tơ drong thu jên păng hơ tŏk tơ drong đei yoa đơ̆ng jên vei lăng bri.

- Blŭng a apinh bơ nê kơ ih ƀok Hồ Thanh Hoàng, Kơ dră Anih mong jên vei lăng păng atŏk tơ iung bri dêh char Kon Tum tơ gĕch pơ ma nuh hăm nhôn. Ƀok ăi, ih tơ chĕng thoi yơ găh dôm kơ sô̆ jên thu mong đơ̆ng iŏk yoa cham char bri brăh hrei ‘nâu?

-Tơl: Anih mong jên vei lăng păng atŏk tơ iung bri dêh char Kon Tum chă thu jên mưh iŏk yoa cham char bri brăh kiơ̆ tơ drong hơ găt kơ sô̆ 156 'năr 16/11/2018 đơ̆ng Khul kơ dră tĕh đak. Jô̆ truh dang ei, Anih mong jên vei lăng păng atŏk tơ iung bri dêh char Kon Tum hlôi tơ lĕch trong thu iŏk jên mưh iŏk yoa cham char bri brăh kiơ̆ đơ̆ng dôm tơ drong jang nhen: vei lăng tĕh, tang găn đak tơ jrŏh tĕh păng tĕh dơ̆k jur lơ̆m dơ nâu, đak krong thong đak hăm dôm hnam kơ măy unh điên; pơ choh đak, vei lăng kơ tu đak ăn tơ drong choh jang xa păng tơ drong arih xa tơ pôl hăm dôm anih pơm đak rơ gŏh păng anih jang kơ măy đei iŏk yoa đak.

Anih mong jên vei lăng păng atŏk tơ iung bri dêh char Kon Tum hlôi kĭ 59 hla ar pơ kăp hăm dôm anih jang đei iŏk yoa cham char bri brăh lơ̆m dêh char, lơ̆m nŏh đei 29 hnam kơ măy unh điên, 13 hnam kơ măy pơm păng tĕch đak rơ gŏh, 17 hnam kơ măy đei iŏk yoa đak. Anih mong jên vei lăng păng atŏk tơ iung bri Việt Nam pơ truh jên vei bri ăn Anih mong jên vei lăng păng atŏk tơ iung bri dêh char Kon Tum hăm 16 anih jang đei iŏk yoa cham char bri brăh kiơ̆ đak krong ro klĕch tơ̆ dôm dêh char. Akŏm đĭ đăng tơ̆ dêh char Kon Tum đei 75 anih jang athei kla jên mưh iŏk yoa cham char bri brăh kiơ̆ tơ drong hơ găt.

Jên thu mong đơ̆ng blŭng sơ năm 2022 truh ‘năr 15/6/2022 đei vă jê̆ 219 ti 558 triu, iŏk đei 68,87% pơ têng hăm nơ̆r hơ găt, lơ̆m nŏh Anih mong jên vei lăng păng atŏk tơ iung bri Việt Nam pơ truh 155 ti 865 triu hơ tŏ hăm 65,59% nơ̆r hơ găt; Thu kơ tă lơ̆m dêh char 63 ti 623 triu hơ tŏ hăm 78,51% nơ̆r hơ găt.

Gơ̆h ƀôh tơ drong thu iŏk jên đơ̆ng iŏk yoa cham char roi kơ chăng ƀiơ̆, tơ gŭm ăn dôm tơ ‘ngla bri đei jên vă pơ yoa ăn tơ drong jang vei lăng păng atŏk tơ iung bri.

- Nhen ih ‘nao tơ roi, lơ̆m dôm sơ năm âu ki, Anih mong jên vei lăng păng atŏk tơ iung bri dêh char Kon Tum tôch adrin lơ̆m tơ drong tơ lĕch trong thu mong jên vă vei lăng bri. Tơ drong ‘nâu mă tơ pă đei bơ̆ jang thoi yơ hă ƀok?

-Tơl: Dôm sơ năm âu ki, Anih mong jên vei lăng păng atŏk tơ iung bri dêh char Kon Tum adrin roi tơ ƀôh ăn Dơ nŏ anih vei lăng kon pơ lei dêh char Kon Tum tơ lĕch lơ tơ drong hơ găt găh tơ drong athei kla jên mưh iŏk yoa cham char bri brăh, pơ jing đei tơ drong tơ gŭm đơ̆ng khul kơ dră jơ̆p tơ ring, dôm anih jang, khul grŭp đei ƀơm truh păng kon pơ lei. Anih mong jên vei lăng păng atŏk tơ iung bri dêh char Kon Tum kơ chăng chih răk rim tơ drong vă tơ lĕch jang hăm dôm anih jang đei iŏk yoa cham char bri brăh, kơ chăng pơ ma đam, kĭ pơ kăp hla ar kla jên hăm dôm anih đei iŏk yoa cham char bri brăh ‘nao bơ̆ jang păng hlôi kĭ pơ kăp hăm đĭ đăng 59 anih jang athei kla jên đơ̆ng iŏk yoa cham char bri brăh bơih.

Nhôn hơ nơ̆ng hơ len năng, athei dôm anih jang đei iŏk yoa cham char bri brăh nôp jên vei lăng bri mă tôm, tơ tom ăn Anih mong jên vei lăng păng atŏk tơ iung bri dêh char Kon Tum kiơ̆ tơdrong hơ găt păng athei Anih mong jên vei lăng păng atŏk tơ iung bri Việt Nam pơ truh jên vei bri ăn Anih mong jên vei lăng păng atŏk tơ iung bri dêh char Kon Tum vă pơm ‘lơ̆ng ăn tơ drong thu mong jên rim sơ năm kiơ̆ tơ drong hơ găt. Kơ chăng jên vă tơ lĕch tơ tom ăn dôm tơ ‘ngla bri, vei lăng dang 378.272 ha bri pơ truh tơ mam bri brăh. Hơ nơ̆ng mong akŏm tôch ai jên thu mong đơ̆ng iŏk yoa cham char bri brăh păng bơ̆ jang kiơ̆ trong kla jên vei lăng bri hai.

- Hơ drô̆ hăm dôm anih jang ưh jăh nôp jên, Anih mong jên vei lăng păng atŏk tơ iung bri dêh char Kon Tum đei trong jang thoi yơ păng mă hơ tuch lơ liơ hă ƀok? 

- Tơl: Hrei ‘nâu, tơ drong ưh jăh kla jên, pơ dui năr nôp jên dăh mă pơm kiơ̆ hiơ̆ hyĭn pơ têng hăm tơ drong hơ găt đơ̆ng dôm anih đei iŏk yoa cham char bri brăh, mă lơ ‘nŏh jĭ 1,2 hnam kơ măy unh điên iĕ ‘ngoăih kơ Grŭp jang unh điên Việt Nam. Mă đơ̆ng ưh đei lơ lơ̆m kơ sô̆ jên thu mong đơ̆ng iŏk yoa cham char bri brăh rim sơ năm tơ̆ Anih mong jên vei lăng păng atŏk tơ iung bri dêh char, mă lei oei đei đĕch, kơ na jing đei hre jên đơ̆ng iŏk yoa cham char bri brăh păng jên kon ưh jăh nôp oei pơ dui đunh.

Hăm dôm anih jang pơ rơ̆ng pơm hiơ̆, ưh jăh nôp jên đơ̆ng iŏk yoa cham char bri brăh păng ưh jăh nôp jên kon nhôn hơ nơ̆ng đei hla ar chih athei dôm anih iŏk yoa cham char bri brăh jăh chih tơ roi păng nôp jên vei bri rim sơ năm kiơ̆ tơ drong hơ găt; tơ dăh dôm anih jang pơ rơ̆ng pơm glăi, nhôn pơm hla ar athei Anih vei lăng bri 'long păng dôm anih jang kơ pal đei ƀơm truh sek tơ lang kiơ̆ hơ năp jang kơ dih mă ưh 'nŏh chih tơ roi ăn anih jang kơ pal sek tơ lang dơ̆ng.

 Hăm dôm anih pơ rơ̆ng, ưh chu pơm kiơ̆ dôm tơ drong hơ găt, pơm glăi đunh, Anih mong jên vei lăng păng atŏk tơ iung bri dêh char Kon Tum bơ̆ jang hăm Công ty tơm jang unh điên Tơ ring Tŏk bŏk, athei set hơ len tơ drong kla jên điên mưh đei hla ar chih athei nôp jên đơ̆ng iŏk yoa cham char bri brăh đơ̆ng Anih mong jên vei lăng păng atŏk tơ iung bri dêh char Kon Tum.

Hăm tơ drong adrin ‘nŏh, hrei ‘nâu rim anih đei iŏk yoa cham char bri brăh pơm kiơ̆ tôch ‘lơ̆ng dôm tơ drong hơ găt găh chih jô̆ păng nôp jên đơ̆ng iŏk yoa cham char bri brăh.

- Lei a, bơ nê kơ ih ƀok Hồ Thanh Hoàng, Kơ dră Anih mong jên vei lăng păng atŏk tơ iung bri dêh char Kon Tum tơ gĕch pơ ma nuh hăm nhôn! 

Lan hăm Dơ̆ng: Tơ blơ̆