VOV4.Bahnar – Tơguăt hăm tơdrong jang pơtho pơhrăm tơ\ hnam trưng apu\ng ataih yaih Krông Bông, dêh char Đăk Lăk, thâi pơtho Nguyễn Viết Lân ‘măn lơ jơ vă hơlen găh tơdrong erih păng tơdrong jang kơ [ok kơdră  Hồ Chí Minh. Hăm ‘nho\ng, hơlen băt găh {ok ưh adro# vă pơm hơto\k tơdrong hlôh vao ăn kơdih po mă vă pơhrăm dơh po, adrin ho\k pơhrăm păng pơm kiơ\ {ok lơ\m rim tơdrong jang ie\ ioch rim kơ năr.

Đơ\ng ro\ng jơ pơtho tơ\ lăm, thâi pơtho Nguyễn Viết Lân, pơtho môn Tin ho\k, tơ\ hnam trưng THPT Krông Bông, apu\ng Krông Bông, dêh char Đăk Lăk ‘măn lơ jơ ‘năr tơ\ thư vie#n hnam trưng dăh mă to\k mạng hơlen băt găh {ok Hô. ‘Nho\ng Lân tơroi, mă pơtho găh Tin ho\k mă lei xư lăp chă hơlen băt găh hnưr erih. Đơ\ng oei ‘la#p, dôm tơdrong tơroi kơ {ok Hô đei me\ [ă, bơngai pơtho tơroi hlôi pơm ăn kơ xư vơch lơ\m đon. Đơ\ng dôm tơdrong tơroi găh pơtho pơhrăm đơ\ng {ok hlôi pơm ăn kơ xư đei don băt kơ tơdrong jang pơtho pơhrăm păng tơring teh kăng kư\ kăch mạng Krông Bông jing pơlei pơla mă 2 mă xư tơguăt lơ\m dôm j^t xơnăm kơ âu: Inh hơnơ\ng chă hơlen băt găh hnưr erih kơ {ok, dôm hnưr erih mă tơre\k truh tơ\ {ok noh adoi kăl chă hơlen băt. Tơre\k hăm dôm tơdrong ‘nao vă tơmơ\t lơ\m [ai pơtho ăn đe ho\k tro vă ăn kơ hiôk chơt rơho\ rơhom hloh. Găh tơdrong jang Đoan noh lơ\m mă inh pơgơ\r athei pơm thoi yơ tơbang đei dôm tơdrong kăp g^t, pơm ăn đe ho\k tro lăp, đơ\ng noh hơvơn đei lơ ho\k tro, đơ\ng bơngai nhrơ\ chă ako\m pơlong khul, dôm khul atu\m, đơ\ng noh ho\k tro tơguăt dih băl hloh.

Ho\k đang Đăi ho\k Sư phạm Huế, xơnăm 2014, thâi pơtho Lân đei axong pơtho pơhrăm tơ\ apu\ng Krông Bông. ‘Mêm kơ đe ho\k tro tơring ataih yaih oei lơ tơnap tap, xư hơ ‘nhăk pơđ^ đon lăp kơ po, tơdrong hlôh vao vă pơtho ăn ho\k tro. Xư kơdih to\k mạng chă [ai pơtho thêm vă kơ hiôk chơt. Rim jơ ho\k, xư adrin tơre\k pơma dơnuh hăm ho\k tro, pơm ăn đe oh rơhơi, hơto\k tơdrong ho\k pơhrăm, tơgu\m đe oh [ôh xo# chơt lơ\m rim [ai ho\k. Ho\k tro Hoàng Thị Kim Ngân, lăm 11A7, trưng THPT Krông Bông tơroi: Inh [ôh thâi Lân noh minh ‘nu dăp đon dăp bơnôh lơ\m pơtho pơhrăm, tơnăp kơdih tơroh hăm đe boăl ho\k tro vă pơtho ăn ho\k tro. Thâi hlôi adrin pơtho ăn nhôn hlôh vao hơdăh. Thâi hơnơ\ng mơ\ng nơ\r pơtruh đơ\ng ho\k tro. Păng inh đơ\ng ro\ng kơ đunh khei năr ho\k noh hlôh vao kiơ\ tơdrong thâi  Lân pơtho păng mơ\ng thâi Lân pơtho noh inh duh băt đei lơ tơdrong ‘nao ăn kơdih po păng adrin keh kong pơ ‘lơ\ng dơh po hloh.

Ưh adro# tơnăp lơ\m pơtho pơhrăm, thâi pơtho mơlôh Nguyễn Viết Lân oei jang kang [o# đoan dăp đon dăp bơnôh. Dang ei xư oei jang {^ thư chi đoan đe pơtho, jang lơ\m {an cha#p hanh Đoan trưng păng jang Kơdră Khul Hơdruh tơdăm hnam trưng THPT Krông Bông.

{ok Dương Kim Thạch, Kơdră hnam trưng THPT Krông Bông ăn tơbăt, mă oei mơlôh, mu\k drăm tơnap tap păng to\k bo\k oei tơ\ hnam ako\m, kon oei ‘la#p, hơkăn jang tơ\ ataih mă lei thâi Lân duh hơnơ\ng pơkăp tơdrong jang po vă keh đang tơnăp xơnong jang atu\m. Thâi duh đei lơ tơdrong hlôh vao gơh rơgei lơ\m pơtho pơhrăm, tơgu\m đe pơtho nai găh kơmăi kơmo\k ‘nao, mă hăt noh lơ\m khei năr hnam trưng athei pơtho păng ho\k trư\k tuye#n vă tang găn păng tơjră pơrang j^ Covid-19. {ok Dương Kim Thạch ăn tơbăt: Thâi Lân noh bơngai pơtho mơlôh hơbe\ch hơbal, gơh rơgei păng tơnăp lơ\m dôm tơdrong jang găh đoan hơdruh tơdăm noh jang tơnăp hloh. Thâi chă hơvơn dôm anih jang mu\k drăm, đe boăl ho\k tro dôm lăm ho\k, bôl boăl pơtho vă tơgu\m tơmam xa, jên vă pơtruh ăn dôm pơlei pơla tơgu\m ăn đe mon ao tơno\. Tang măt ăn Đoan trưng duh nhen Khul jang năm apong, axong tơmam ăn đe yă đei hơnăn Me\ Việt Nam nuih mơng. Mă kăl nhen xơnăm âu ki, thâi adoi axong jơ ăn tơdrong chă hơlen băt găh đon kơche\ng trong jang ‘lơ\ng Hồ Chí Minh, đei io\k jơnei mă 2 kơ ja#p teh đak.

Nhan hăm tơdrong hơlen băt găh tơdrong erih păng tơdrong jang kơ [ok kơdră Hô Chí Minh, thâi pơtho mơlôh Nguyễn Viết Lân hlôi ako\m ăn kơdih po dôm tơdrong hlôh vao kăp g^t găh {ok.

Gơnơm đơ\ng noh hlôi tơgu\m xư đei io\k lơ tơmam hơpăh kăp g^t nhen Tơmam hơpăh Tơdrong pơlong chă hơlen băt 110 xơnăm {ok Hồ năm tơchă trong do\ng teh đak kơyuơ Anih jang Đoan dêh char Đăk Lăk pơgơ\r ăh xơnăm 2021; 2 xơnăm pơtoi hloi đei io\k tơmam hơpăh Pơlong “Xơnăm mơlôh ho\k pơhrăm păng pơm kiơ\ đon bơnôh ‘lơ\ng Hồ Chí Minh” đơ\ng Anih tơm Pơtho Pơhrăm ăh xơnăm 2020 -2021. Xư duh jing minh lơ\m 45 ‘nu tơdăm đei pôk hơpăh găh Đe tơdăm gơh rơgei pơm kiơ\ nơ\r {ok dêh char Đăk Lăk xơnăm 2022. Thâi Lân tơroi, kiơ\ đơ\ng tơdrong vang ako\m pơlong, tơgu\m xư hlôh vao hơdăh găh {ok, đơ\ng noh hơto\k hloh xơnong jang kơdih po, adrin ho\k kiơ\ {ok đơ\ng dôm tơdrong jang ie\ ioch hloh.

Lan chih păng pơre nơ\r