Tơ̆ hơnăp tơdrong kơhret lơ̆m jăl khei mă IV tôch kơ tih, athei đĭ đăng khŭl jang adrin yak hloh lơ̆m jăl jang "gĭt kăl hloh", Thủ tướng pơma hơ dăh, vă iŏk đei tơdrong hơgăt jang tŏk ƀar kơ sô̆, GDP jăl khei mă IV athei tŏk hloh 12,5%, athei dôm anih tơm, anih jang, tơ ring adrin tơ̆ kơsô̆ lơ hloh. Thủ tướng athei chih hơdăh anih jang, tơdrong jang tŏk oei đei dơ̆ng; hơmet pơ 'lơ̆ng dôm tơdrong oei tơhlăk, hơmet pơ 'lơ̆ng trong jang, khôi luơ̆t păng hơmet pơ 'lơ̆ng dôm tơdrong jang oei vă hơvơn jên jang ăn tơdrong jang tŏk.

Hơdai hăm 'nŏh, athei akŏm jơhngâm tơlĕch jên jang 100% trong tơlĕch jang tơmơ̆t jên jang kơ tĕh đak sơnăm 2026, hơnhăk dôm tơdrong jang tơm jăh jang đang. Dôm tơring đei mŭk drăm tih hlŏh athei adrin hlŏh dơ̆ng, iŏk jang kơjăp dôm tơdrong jang tŏk đơ̆ng pơm tơlĕch, tơmât jên jang, tĕch mơdro, tĕch tơ̆ tĕh đak đe păng tơmât jên jang. Thủ tướng oei athei kơchăng trong tơjră hăm tơdrong tơplih kơjă tơmam, vei lăng kơjăp kơjă đak xăng đak dâu, unh điên păng tơmam yoa kăl.