VOV4.Bahnar - Phó Thủ tướng Phạm Bình Minh ‘nao kĭ hla ar athei hơ tŏk hrĕnh tơ drong jang păng tơ lĕch jên ODA, jên tŏk iŏk hăm jên kon tŏ sĕt đơ̆ng tĕh đak đe. Hla ar chih hơ dăh: Hrei ‘nâu, tơ drong jĭ COVID-19 hlôi đei găn ƀiơ̆ lơ̆m tĕh đak. Tơ drong tơ lĕch hrĕnh jên tơ mât jang kơ tĕh đak, lơ̆m nŏh đei jên ODA, jên tŏk iŏk đơ̆ng tĕh đak đe hăm jên kon tŏ sĕt đei năng tôch gĭt kăl vă jang tơ iung dơ̆ng mŭk drăm, bơ̆ jang đei tơ drong jang atŏk tơ iung mŭk drăm, tơ pôl sơ năm 2022.

Vă hơ tŏk hrĕnh tơ drong jang păng tơ lĕch jên ODA pơm hơ tŏk tơ drong đei yoa mưh iŏk yoa jên păng tơ gop gĭt kăl ăn tơ drong jang tơ iung ming păng jang tŏk mŭk drăm, adrin tơ lĕch jên ODA sơ năm 2022 đei 100% nơ̆r hơ găt, Thủ tướng tĕh đak athei dôm Anih tơm, anih jang kơ pal tơ̆ Trung ương păng tơ ring hơ nơ̆ng bơ̆ jang ‘lơ̆ng dôm tơ drong tơ chơ̆t đơ̆ng Đảng, Kuô̆k hô̆i, Khul kơ dră tĕh đak păng nơ̆r pơ tho đơ̆ng Thủ tướng tĕh đak găh hơ tŏk hrĕnh tơ drong tơ lĕch jên jang kơ tĕh đak pơ ma atŭm, jên ODA pơ ma adrô̆; năng tơ drong tơ lĕch jên ODA jĭ 1 lơ̆m dôm tơ drong jang chinh trĭ tơm kơ sơ năm 2022 păng dôm sơ năm đơ̆ng rŏng dơ̆ng.

Dơ̆ng: Tơ blơ̆