VOV4.Bahnar - Năr 3/6, Thủ tướng teh đak đei hla ar găh tơ drong pơm kiơ̆ tơ drong hơ găt găh tang găn tơ drong răm đơ̆ng tơ drô, ƀier. Hla ar đơ̆ng Thủ tướng teh đak tơ roi hơ dăh, đơ̆ng blŭng sơ năm truh dang ei, đei ƀôh 1,2 ‘măng gre tơ̆m pơ̆k preh băl đei hiong răm kơ tang mă tơ drong tơm pơm ăn ‘noh yua đơ̆ng bơ ngai et tơ drô ƀier huơ̆r gre; lơ̆m noh, đei 1,2 ‘nu kang ƀô̆, bơ ngai jang kơ teh đak, bơ ngai bơ̆ jang lơ̆m anih jang teh đak pơm glăi et tơ drô ƀier huơ̆r gre pơm ăn gre tơ̆m, pơ̆k preh băl, ƀôh hơ dăh ‘noh jĭ ‘măng gre tơ̆m đei ƀôh gơ măng ‘năr 02/6/2022 tơ̆ dêh char Bắc Giang pơm ăn 3 ‘nu lôch. Vă tang găn dôm ‘măng gre tơ̆m pơ̆k preh băl ƀơm truh bơ ngai huơ̆r gre pơm glăi et tơ drô ƀier mưh hao gre tơ̆ trong, Thủ tướng teh đak athei rim anih tơm, anih jang hơ tŏ anih tơm, anih jang găh Khŭl kơ dră teh đak, Anih jang Trung ương Mặt trận Tổ quốc Việt Nam, rim khŭl grŭp chĭnh trĭ - tơ pôl, Anih vei lăng kon pơ lei rim dêh char, pơ lei tơm găh trung ương păng rim anih jang ƀơm truh athei bơ̆ jang kiơ̆ tơ păt Luơ̆t tang găn tơ drong răm đơ̆ng tơ drô ƀier. Athei kang ƀô̆, bơ ngai jang kơ teh đak, bơ ngai bơ̆ jang lơ̆m anih jang, hŏk tro, sinh viên bơ̆ jang kiơ̆ tơ păt dôm tơ drong hơ găt găh kơ̆m et tơ drô ƀier; pơm kiơ̆ tơ păt tơ drong hơ găt đĭ et tơ drô, ƀier bơ̆ih ưh kơ huơr gre; đei trong jang phak kơ hret hăm bơ ngai, tơ pôl pơm glăi.

Thuem: Tơ blơ̆