VOV4.Bahnar - Thủ tướng Teh đak Phạm Minh Chính ‘nao kĭ Hla ar găh tơ drong tơ tĕnh ƀet vaccine păng tŭn pran jang kiơ̆ rim trong jang tang găn jĭ COVID-19. Lơ̆m hla ar tơ roi rơ đăh: Tơ̆ hơ năp dôm tơ drong đei ƀôh ‘nao đơ̆ng jĭ COVID-19 tơ̆ pơ lei tơm Hà Nội păng 1,2 tơ ring, mă loi ‘noh lhơ mơt đei ƀôh yua đơ̆ng pơ rang tơ plih ‘nao Omicron, vă hơ nơ̆ng jang kiơ̆ đei yua rim trong jang tang găn jĭ, mă loi ‘noh lơ̆m năr Tết Nhâm Dần, Thủ tướng teh đak athei Kơ dră Anih pơ gơ̆r jang tang găn jĭ COVID-19, Kơ dră Anih vei lăng kon pơ lei dêh char, pơ lei tơm găh Trung ương akŏm athei jang kiơ̆ tơ păt, kơ tang rim trong jang tang găn jĭ kiơ̆ ƀlep dôm nơ̆r athei đơ̆ng Khŭl kơ dră teh đak, Thủ tướng teh đak, Anih pơ gơ̆r jang tang găn jĭ COVID-19, mă loi ‘noh jĭ trong pơ kăp 5K păng gĭt kăl ‘noh hơ tŏk ‘lơ̆ng đon băt kơ kơ dih đơ̆ng kon pơ lei vei lăng jơ hngơ̆m jăn ăn kơ dih kâu ăn ŭnh hnam kơ dih, ăn tơ pôl păng rim trong jang tơ jră hăm pơ rang tơ plih Omicron, ưh kơ gơh pơm pơ hơi, ưh kơ ‘lơ ‘lŏ; hơ tŏk loi dơ̆ng tơ drong hơ met tơ̆ hnam kiơ̆ pơ tho hơ len, kơ jăp đơ̆ng Anih tơm vei lăng găh jang pơ gang hăm bơ ngai jĭ COVID-19 păh ai păng ưh kơ đei ƀôh tơ drong jĭ.

Thuem: Tơ blơ̆