Thủ tướng pơma hơdăh, tơdrong bơ̆jang kiơ̆ Hla ar kơsô̆ 59 ‘năr 12/9/2025 đơ̆ng Anih pơgơ̆r jang Trung ương pơtôch Tơdrong tơchơ̆t kơsô̆ 18 hăm tơdrong hơgăt ‘noh jĭ pơm ăn khŭl bơ̆jang kơ anih jang chĭnh trĭ tŏ sĕt bơngai, bơ̆jang đei yua, jơnei; hơtŏk ‘lơ̆ng tơdrong pơm tơ ‘ngla kơdih; hơtŏk ‘lơ̆ng pơvih pơvăn teh đak, pơvih pơvăn kon pơlei, anih mơdro sa.

Thủ tướng athei dôm anih tơm, anih jang hơnơ̆ng dăr hơlen đĭ đăng tơdrong bơ̆jang kiơ̆ dôm tơdrong Tơchơ̆t, hla ar chih găh proh hơmet, pơm tŏ sĕt bơngai jang, hơdai hăm lăng hơlen hăm dôm anih jang chĭnh trĭ nai đei ƀơm truh nhen Tơdrong tơchơ̆t kơsô̆ 71 găh tơdrong ‘lơ̆ng hơtŏk tơiung pơtho pơhrăm; Tơdrong chơ̆t kơsô̆ 72 đơ̆ng Anih tơm Chĭnh trĭ găh 1,2 trong jang tŏk ‘lơ̆ng, hơtŏk loi dơ̆ng vei lăng păng hơtŏk ‘lơ̆ng jơhngơ̆m pran kon pơlei vă đei trong jang ‘lơ̆ng hloh, vei sơđơ̆ng khăm, hơmet jĭ ăn kon pơlei hiôk, ‘lơ̆ng hloh, vei sơđơ̆ng ăn hŏk tro đei truh tơ̆ hnam trưng hŏk.