‘Măng năm tơmang Cộng hòa Dân chủ Nhân dân Lào đơ̆ng Thủ tướng Lê Minh Hưng ưh khan lăp tơdrong jang tơbôl, mă oei tơbăt ăn kơtang găh trong lăng, jơhngơ̆m đon păng tơdrong lăng ba kơtang hloh lơ̆m trong bơ̆ jang tơbôl đơ̆ng Việt Nam lơ̆m chăl sơnăm atŏk tơ iung ‘nao. ‘Măng năm tơmang jĭ jơ rơvơn vă kơdră chĕp pơgơ̆r ƀar teh đak pơma tơbăt dih băl trong lăng păng sơkơ̆t hơdăh trong jang tơ̆ hơnăp dôm tơdrong lơ̆m tơring păng apŭng plĕnh teh mă ƀar păh lăng truh. Tơdrong drơ̆ng mĭnh nơ̆r păng iung jang hơdoi ƀar păh Việt Nam păng Lào tơ̆ rim ‘măng hop akŏm lơ pang nhen ASEAN, Liên hợp quốc păng rim trong jang hơdoi tơring Mê Công tơgop gĭt kăl hloh lơ̆m tơdrong hơmet pơ ‘lơ̆ng jơhngơm đon tơgoăt tơgoăl, sơđơ̆ng nơ̆r pơma atŭm păng vei kơjăp tơdrong rơngei hiôk hian, sơđơ̆ng kơ lơ̆m tơring. ‘Măng năm tơmang đơ̆ng Thủ tướng Lê Minh Hưng trŭh tơ̆ Lào ‘noh jĭ hơyak kăl hloh vă hơmet pơ ‘lơ̆ng jang kiơ̆ kơjăp dôm nơ̆r pơkăp hơdăh, pơih đei rơvơn ăn tơdrong jang hơdoi tơpă, jơnei păng kơjăp ‘lơ̆ng ƀar teh đak, ƀar hơdrĕch hơdrung.