VOV4.Bahnar - Drơ̆ng nơ̆r krao hơ vơn đơ̆ng Thủ tướng teh đak Phạm Minh Chính, năr ‘nâu (28/9), Thủ tướng teh đak Cộng hòa Cuba Manuel Marrero Cruz pơ tơm năm ngôi tơ̆ Việt Nam. ‘Măng năm ngôi tơ ƀôh tơ drong hơ drin đơ̆ng 2 păh lơ̆m tơ drong hơ nơ̆ng hơ tŏk tơ iung păng pơ trŭt hloh dơ̆ng tơ drong pơ vei jang tơ bôl, 1 jơ hngơ̆m đon, lui ngeh dih băl, jang hơ dai tôm tơ drong, tơ goăt 1 jơ hngơ̆m đon hơ dai đơ̆ng Đảng, teh đak, Khŭl kơ dră teh đak păng Kon pơ lei 2 teh đak.

‘Măng năm ngôi tơ̆ Việt Nam đơ̆ng Thủ tướng Cuba Manuel Marrero Cruz ‘măng âu 1 ‘măng dơ̆ng sơ kơ̆t hơ dăh Việt Nam păng Cuba gô hơ nơ̆ng iŏk jang pơ tăl păng hơ tŏk pran kơ tang joăt joe ‘lơ̆ng hơ iă, khŏm hơ nhăk tơ drong pơ vei 2 teh đak roi ‘năr roi yak mơ̆t ‘lơ̆ng hơ iă păng đei yua, lơ̆m noh akŏm hơ tŏk tơ drong pơ vei jang hơ dai mŭk drăm, mơ dro sa păng tơ mơ̆t jên jang ƀrư̆ ƀrư̆ yak tŏk tơ găl hăm tơ drong pơ vei chĭnh trĭ ‘lơ̆ng hơ iă đơ̆ng 2 teh đak.

VOV-Thuem: Tơ blơ̆