VOV4.Bahnar - Lơ̆m ‘măng iung năm tơmang tĕh đak bơ̆n, pơgê năr 30/9 tơ̆ Hà Nội, Thủ tướng Cuba Manuel Marrero Cruz hăm Thủ tướng Lê Minh Khái hlôi vang năm păng chĕp pơgơ̆r Hop akŏm pơtrŭt Mơdro sa Việt Nam-Cuba.

Tơ̆ hop akŏm, Thủ tướng Manuel Marrero Cruz pơma hơdăh: Cuba tŏk bŏk lơ̆m khei ‘năr tơplĭh kơtang hlŏh vă lăng trŭh hơmet pơ ‘lơ̆ng mŭk drăm păng atŏk tơ iung, ‘moi kiơ̆ tơgoăt tơgoăl joăt joe ‘lơ̆ng liĕm ƀar tĕh đak, Khŭl kơdră tĕh đak CuBa gô ‘măn ăn tơdrong rơvơn ‘lơ̆ng hơ iă hlŏh, pơjing rơvơn vă hơnĭh mơdro sa Việt Nam đei iung jang tơ̆ lơ tơdrong lơ̆m tĕh đak Cuba. Tơ̆ hop akŏm, lơ khŭl mơdro sa 2 tĕh đak hlôi mơ̆ng Kơdră chĕp pơgơ̆r Dơnŏ anĭh tơm vei lăng Mơdro sa  păng Tơmơ̆t jên jang Cuba Rodrigo Malmierca Dias tơroi tơbăt găh trong jang tơgum djru krao hơvơn tĕh đak đe tơmơ̆t jên jang tơ̆ Cuba păng Kơdră chĕp pơgơ̆r Dơnŏ anŏ anĭh bơ̆ jang Tơring Kăl atŏk tơ iung Mariel AnaTeresa Igarza Martinez tơroi tơbăt trong jang tơgum djru hơvơn tĕh đak đe tơmơ̆t jang tơ̆ Hơnĭh kăl Mariel păng rơvơn jang hơdoi mơdro sa ƀar păh tĕh đak.

VOV/Amazưt tơblơ̆ nơ̆r