Hop akŏm vă pơm hơdăh ‘lơ̆ng tơdrong Tơchơ̆t 23 đơ̆ng Anih tơm Chĭnh trĭ găh hơtŏk tơiung tơring Tây Nguyên; lơ̆m noh akŏm lơ̆m 3 tơdrong tơm: Pơdă tơƀôh, roi tơƀôh um rup, tơring teh joh ayŏ, kon bơngai păng roi tơƀôh tơmam đơ̆ng choh jang sa đei kơ Tơring; Tơbăt hơdăh Tơdrong jang đơ̆ng Khŭl kơdră teh đak jang kiơ̆ tơdrong Tơchơ̆t 23 đơ̆ng Anih tơm Chĭnh trĭ; Pơtrŭt tơmơ̆t jên jang tơring Tây Nguyên. Tơ̆ hop akŏm, dôm bơngai tang măt hlôi đei lơ nơ̆r tơgop pơma dơnuh gĭt kăl, ‘lơ̆ng, tơnăp, đĭ jơhngơ̆m păng tơlĕch, apĭnh lơ trong jang lăp ‘lơ̆ng, tơjê̆ hăm yan âu; kiơ̆ đơ̆ng ‘noh tơƀôh tơdrong pơhnŏng, drơ̆ng lăp ‘lơ̆ng vă pơtrŭt hơtŏk tơiung hrĕnh, kơjăp tơring Tây Nguyên, tơgop hơnhăk tơdrong Tơchơ̆t kơsô̆ 23 đơ̆ng Anih tơm Chĭnh trĭ lơ̆m tơpă yan âu tơdrong arih sa, tơpôl.

Lăp đơ̆ng rŏng kơ mơ̆ng dôm nơ̆r tơgop pơma dơnuh, pơma tơ̆ hop akŏm, Thủ tướng Phạm Minh Chính hlôi tơblang hơdăh tơdrong ‘lơ̆ng, tơdrong pran, tơdrong hiôk kĕ pơjei păng dôm tơdrong oei đei tam mă ‘lơ̆ng kơ tơring Tây Nguyên. Hơdai hăm tơƀôh rơđăh tơdrong tơm tơdrong jang đơ̆ng Khŭl kơdră teh đak, kiơ̆ đơ̆ng noh tơlĕch 1,2 tơdrong hơgăt rơđăh nhen GRDP tŏk jô̆ păh lăp iŏk đei dang 7 - 7,5%; Truh sơnăm 2030, GRDP jô̆ păh lăp kơ̆l bơngai iŏk đei dang 130 triệu hlak jên, hơtŏ 5.000 USD. Kơsô̆ anih kơ drơ̆m ‘lơ̆ng iŏk đei dang 37,2 - 40,7%; kơsô̆ xăh jang đang ‘lơ̆ng tơring tơrang ‘nao dang 85%.