Pơma tơ̆ hop akŏm, Thủ tướng Lê Minh Hưng akhan, tơdrong jang mŭk drăm oei pŭ lơ tơdrong kơhret tih đơ̆ng nơ̆r athei tơplih ‘nao trong jang tŏk păng vei lăng ưh ăn kơjă tơmam tŏk hlŏh tơdrong. Yoa thoi noh, dôm anih tơm, anih jang kơpal, tơring tơrang athei hơnơ̆ng kơchăng, khŏm tơlĕch dôm trong jang vă hơmet pơ ‘lơ̆ng pơmat tat, tưk tơiung tơdrong jang xa, tĕch mơdro păng tơlĕch jên jang đơ̆ng teh đak.

Kiơ̆ nơ̆r tơroi, lơ̆m 8 khei âu ki, thu mong jên ăn teh đak đei hlŏh 2 triu ti; dang 209 rơbâu ti jên thuê̆, jên nôp đei kăt tơjur ưh đei thu, pơdui khei ‘năr nôp ăn kon pơlei păng anih tĕch mơdro. Tơlĕch jên jang đơ̆ng teh đak đei 49% tơdrong hơgăt; jên FDI đei kĭ pơkăp vă tơlĕch jang hlŏh 40 ti USD, tŏk 55% pơting hăm khei âu sơnăm sơ̆. Akŏm đĭ đăng jên đơ̆ng tĕch mơdro  hăm teh đak đe đei dang 770 ti USD.

Thủ tướng Lê Minh Hưng athei hơnơ̆ng drŭh kiơ̆ trong jang vei lăng, tang găn ưh ăn kơjă tơmam tŏk hlŏh tơdrong, vei kơjăp ‘lơ̆ng ăn tơdrong jang mŭk drăm lơ̆m teh đak, pơjing trong tưk tơiung tơdrong jang tŏk lơ̆m dôm khei hơtuch sơnăm. Dôm bơngai jang lơ̆m Khul kơdră  teh đak akŏm jơhngâm sek tơlang dôm tơdrong oei tơhlăk, găn trong, tơiung jơhngâm ăn dôm tơdrong jang tŏk, adrin jang đang ‘lơ̆ng hlŏh dôm tơdrong pơhnŏng jang tŏk mŭk drăm, tơpôl sơnăm 2026.