VOV4.Bahnar - Thủ tướng teh đak ‘nao kĭ ăn Tơ drong jang hơ tŏk tơ iung tơ drong jang kơ măy kơ mŏk pơm tơ lĕch ‘long, tơ̆r kơ jăp, đei yua jăl jang 2021 – 2030. Tơ drong tơm tơ drong jang tơ lĕch ăn truh sơ năm 2025, tĕch tơ̆ teh đak đe ‘long, tơ̆r păng tơ mam ‘long, tơ̆r đei 20 ti đô la Mi, hơ nhăk Việt Nam oei lơ̆m grŭp dôm teh đak dơ̆ng hơ drol apŭng plĕnh teh găh pơm tơ lĕch, tĕch tơ̆ teh đak đe ‘long tơ̆r păng tơ mam ‘long tơ̆r. Truh sơ năm 2030, tơ drong jang kơ măy kơ mŏk pơm tơ lĕch ‘long tơ̆r jing 1 tơ drong jang mŭk drăm gĭt kăl; pơ jing, hơ tŏk tơ iung hơ năn tơ mam ‘long tơ̆r Việt Nam đei bưng ai lơ̆m anih tĕch mơ dro lơ̆m teh đak păng apŭng plĕnh teh. 100% ‘long, tơ̆r, tơ mam ‘long ‘long tơ̆r tĕch tơ̆ teh đak đe păng răt yua lơ̆m teh đak đei iŏk yua đơ̆ng ‘long trŏ luơ̆t, ‘long đei hla ar pơ kăp vei lăng bri kơ jăp. Vă jang kiơ̆ đei tơ drong hơ găt âu, lơ̆m 5 sơ năm truh gô pơ jing 5 hơ nih bri ‘long tơ mơ̆t yua kơ măy kơ mŏk ‘nao, sơng đei tơ mơ̆t jên jang đơ̆ng rim anih jang mơ dro sa pơm tơ lĕch ‘long, tơ̆r păng anih jang mơ dro sa pơm tơ lĕch tơ mam tơ gŭm. Hơ tŏk tơ iung, pơ̆ih să dôm hơ nih jang kơ măy kơ mŏk pơm tơ lĕch ‘long tơ̆ dôm tơ ring đei tơ mam ‘lơ̆ng, đei yua ăn hơ tŏk tơ iung.

Thuem: Tơ blơ̆