Thủ tướng ăn tơbăt, vă kăt tơjur khul bơngai jang păng akŏm mĭnh ƀôt tơdrong vei lăng, Khul kơdră teh đak hlôi hơmet ming Anih pơgơ̆r jang, tơmât hơdai jing 1 Anih pơgơ̆r jang atŭm vă bơ̆ jang 4 tơdrong jang tơm kơ teh đak (đei: Pơjing tơring tơrang ‘nao; Jang atŏk tơiung mŭk drăm tơpôl tơ̆ tơring kon kông păng groi kông; Atŏk tơiung joh ayŏ kơ dŏ xoang; Vei lăng jơhngâm pran, kơsô̆ măt bơngai, jang tŏk păng jang hăm kơmăy kơmŏk ‘nao, pơm hơtŏk tơdrong ‘lơ̆ng mưh pơtho pơhrăm). Hơdrô̆ Tơdrong jang tơm kơ teh đak găh tang găn ma túy yoa Anih tơm vei lăng Công an pơgơ̆r jang.

Thủ tướng athei đei trong jang pran ‘lơ̆ng, hơmet ming dôm tơdrong oei tơhlăk tơlĕch jên jang hiơ̆, mă loi jĭ jên jang lơ̆m sơnăm 2026 păng jên jang đơ̆ng 2021–2025 đei iŏk tơmât lơ̆m sơnăm 2026. Atŭm hăm ‘nŏh, dôm anih pơgơ̆r jang đei Anih tơm vei lăng choh jang xa păng cham char, Anih tơm vei lăng hơdrĕch kon kông păng tơdrong lui khop athei jang hơdoi kơjăp hăm Anih tơm vei lăng pơtho pơhrăm, Anih tơm vei lăng jŏh ayŏ kơ dŏ xoang, tơplŏng kơdâu păng chă tơmang lăng vă tơlĕch jang hrơ̆ch ‘lơ̆ng dôm tơdrong jang, vă gơ̆h jang đei dôm tơdrong đei tơlĕch.