‘Nâu jĭ hơyak tơplih đon tơchĕng tơdrong jang tôch kơ gĭt kăl đơ̆ng Đảng, ăn ƀôh tơdrong lăng ‘lơ̆ng hăm hơnăp jang, anih dơ̆ng gĭt kăl đơ̆ng tơdrong jang tơbôl. Găh dôm hơnăp jang, trong jang tơm tơ̆ hơnăp kơnh, Thủ tướng pơma hơdăh athei pơjing Đảng bộ rơgoh, pran kơjăp; mă loi ‘noh lăng kăl, jang ‘lơ̆ng tơdrong jang pơjing Đảng, vei lăng chĭnh trĭ lơ̆m teh đak, mă loi ‘noh tơ̆ rim tơring gĭt kăl, đei trong jang tơtom đơ̆ng hrôih, đơ̆ng hơtăih mưh đei tơdrong đei ƀôh.

Hơdai hăm, Anih tơm jang tơbôl tŭn pran tơplih kơsô̆ tơklep hăm trong jang tơgŭm kơsô̆, tơtĕnh pơjing tơdrong jang vei lăng kơsô̆, dăr hơlen, răp hơlen lăng, vei lăng tơdrong tơlĕch jang, bơ̆jang kiơ̆ dôm nơ̆r pơkăp, drơ̆ng nơ̆r apŭng plĕnh teh mă loi ‘noh dôm nơ̆r pơkăp, drơ̆ng nơ̆r đơ̆ng rŏng dôm ‘măng năm ngôi, bơ̆jang đơ̆ng Kơdră gĭt kăl; hơdai hăm akŏm hơmet ăn dôm tơdrong jang đơ̆ng Kơdră gĭt kăl tơ̆ hơnăp kơnh.