Hôn bơnê kơ dêh char Phú Thọ đei tơdrong jang găh pơtrŭt jang tŏk 2 kơsô̆, Thủ tướng athei dêh char Phú Thọ hơnơ̆ng hơdrin iung jang, kơrŭn đĭ jơhngơ̆m, đei trong tơchĕng ‘nao, trong jang ‘nao vă iŏk đei tơdrong hơgăt jang tŏk 11% tơ̆ kơpal. Thủ tướng athei Phú Thọ hơmet ăn tôm tơdrong hiôk vă sơng iŏk, klăih song păng tơlĕch jang hloi dôm tơdrong jang tơm kơ teh đak jăl jang 2026-2030 đơ̆ng rŏng kơ đei Trung ương pơjao jên; pơjing trong tơlĕch jang tơmơ̆t jên jang teh đak păh lăp khei ‘năr jăl jang 2026-2030 vei sơđơ̆ng athei jô̆ hơlen tôm mŭk drăm - tơpôl, hơlen lăng iŏk yua tơmơ̆t jên jang hơdrol kơ klăih song jên jang.

Thủ tướng athei anih jang Đảng dêh char Phú Thọ lăng kăl tơdrong jang pơjing Đảng păng pơjing khŭl jang chĭnh trĭ dêh char tơgoăt pôm ƀơ̆r đon, drơ̆ng mĭnh nơ̆r, rơgoh, pran kơjăp, pơvih pơvăn ăn kon pơlei, anih mơdro sa.