Pơma pơtôch, Thủ tướng akhan tơring Pơmơ̆t Pơbăh pơma atŭm păng Vĩnh Long pơma hơdrô̆ oei đei lơ tơdrong athei jang vă iŏk đei tơdrog hơgăt jang tŏk tơlĕch ăn. Mă kăl ‘noh, kơsô̆ tŏk GRDP jăl khei mă I/2026 kơ dêh char đei 5,3%, tam mă iŏk đei trong jang hlôi pơjing.

Thủ tướng athei Vĩnh Long tơplih ‘nao đon tơchĕng, pơjing đei tơdrong jang tŏk ‘nao, vang hơdrin păng bơ̆jang, tơplih ‘nao trong bơ̆jang, tŭn pran sơng đei tơmơ̆t jên jang lơ̆m kơmăy kơmŏk, pơvih pơvăn păng hơtŏk tơiung bơngai jang hơgei. Kiơ̆ kơ Thủ tướng, dêh char kăl kơ rơih iŏk hơdăh tơdrong hơgăt jang tŏk đơ̆ng rim tơdrong jang nhen kơmăy kơmŏk, ming man, tĕch mơdro, pơvih pơvăn păng choh jang sa; pơjao hơnăp jang rơđăh rơđong ăn rim tơring, anih jang, anih mơdro sa năm hơdai hăm tơmam, jên bơ̆jang kiơ̆.