Thủ tướng Lê Minh Hưng năm hơpong nhap Thủ tướng so teh đak Trung Quốc Chu Dung Cơ
Thứ tư, 08:46, 19/08/2026
VOV/Dơ̆ng tơblơ̆
VOV/Dơ̆ng tơblơ̆
VOV.Bahnar - Pơgê brei 18/8, tơ̆ Anih jang tang măt ăn Trung Quốc tơ̆ Việt Nam, Thủ tướng Lê Minh Hưng chĕp kơ̆l Khul tang măt ăn Đảng, Teh đak, Mặt trận Tổ quốc Việt Nam năm hơpong păng chih nơ̆r ƀlŏk hơdơ̆r kơ nhap ƀok Chu Dung Cơ, sơ̆ jang lơ̆m Khul kơdră chĕp kơ̆l Anih tơm Chinh trĭ Trung ương Đảng Cộng sản Trung Quốc, sơ̆ pơm Thủ tướng teh đak Cộng hòa Nhân dân Trung Hoa, ‘nao lôch hơchăng.
Tơ̆ jơ truh hơpong, Thủ tướng Lê Minh Hưng tơƀôh đon ‘mêm tôch pơnach, hmach tôch pơneh tơ̆ hơnăp tơdrong lôch hơchăng đơ̆ng ƀok Chu Dung Cơ, atŭm hăm ‘nŏh pơtruh nơ̆r sơ ‘ngon hăm Đảng, Teh đak, Kon pơlei Trung Quốc păng unh hnam ƀok.
Adrol kơ ‘nŏh, Tổng Bí thư, Kơdră teh đak Tô Lâm, Thủ tướng Lê Minh Hưng, Kơdră Quốc hội Trần Thanh Mẫn păng Kơdră chĕp kơ̆l Ban Bí thư Trần Cẩm Tú hlôi pơtruh nơ̆r sơ ‘ngon hăm Kơdră chĕp kơ̆l Trung Quốc păng unh hnam ƀok Chu Dung Cơ. Bơngai tang măt ăn Trung Quốc Hà Vĩ đei nơ̆r bơnê kơdră chĕp kơ̆l păng Khul tang măt ăn Việt Nam truh hơpong, tơƀôh hơdăh đon năng kăl tơdrong pơvei ‘lơ̆ng hơiă, jang hơdoi kơjăp đơ̆ng 2 Đảng, 2 teh đak păng kon pơlei 2 teh đak.
Viết bình luận