'Nâu jĭ 'măng năm ngôi, bơ̆jang mă blŭng đơ̆ng Thủ tướng Lê Minh Hưng truh tơ̆ ƀar tĕh đak tơjê̆ lơ̆m kơchư̆k jang Bơngai chĕp kơ̆l Khŭl kơdră teh đak. Tơ̆ Lào, 'măng năm ngôi đei pơgơ̆r lăp đơ̆ng rŏng tĕh đak ‘nâu hơmet pơ 'lơ̆ng khŭl kơdră chĕp kơ̆l, pơjing tơdrong hiôk vă ƀar Thủ tướng pơma dơnŭh găh trong vă jang păng trong jang hơtŏk loi dơ̆ng jang hơdai lơ̆m jăl 'nao.

Tơ̆ Campuchia, 'măng năm ngôi đei pơgơ̆r puăn khei đơ̆ng rŏng kơ 'măng năm ngôi tơ̆ Việt Nam đơ̆ng Thủ tướng Hun Manet. Lơ̆m 'măng năm ngôi, Thủ tướng Lê Minh Hưng vă kŭm hăm kơdră chĕp kơ̆l ƀar teh đak pơma dơnuh dôm trong jang pơtrŭt jang hơdai, mă loi 'noh jĭ găh mŭk drăm, tĕch mơdro, tơmơ̆t jên jang, tơƀưh trong nơnăm, pơtho pơhrăm păng tơƀơ̆p pơma dơnuh đơ̆ng kon pơlei. 'Măng năm ngôi, bơ̆jang tơgop hơnhăk dôm tơdrong drơ̆ng nơ̆r kơdră kơpal đơ̆ng Việt Nam hăm Lào păng Campuchia yak mơ̆t lơ̆m tơpă, đei yua hloh.