Hop akŏm hlôi pơma dơnuh, ăn tơgop nơ̆r hăm hla ar chih ming Tơdrong tơchơ̆t bơ̆jang kơ Đảng ủy Khŭl kơdră teh đak, Tơdrong tơchơ̆t bơ̆jang kơ Anih hơlen lăng, tơdrong jang dăr hơlen, dăr lăng sơnăm 2026 păng pơđĭ jăl jang, kŭm hăm roi tơbăt pơtôch tơdrong jang 6 khei blŭng sơnăm păng hơnăp jang 6 khei hơtuch sơnăm. Pơtôch hop akŏm, Thủ tướng pơma hơdăh Tơdrong tơchơ̆t bơ̆jang athei ƀôh rơđăh jơhngơ̆m đon tơplih ‘nao, klăih song kơchư̆k jang, klăih song tơdrong gơh jang tơklep hăm hơnăp jang, gơh kĭ ăn mă hơdăh đơ̆ng rim khŭl grŭp, rim bơngai; tŭn pran hơmet ming bơ̆jang, kăt tơ jur hla ar păng tơplih kơsô̆ vă hơtŏk ‘lơ̆ng đei yua, jơnei tơdrong jang.

Hăm hơnăp jang tơ̆ hơnăp kơnh, Thủ tướng athei hơnơ̆ng dăr hơlen, chih tơbăt iŏk yua bơ̆jang kiơ̆ tơdrong jang, trong tơlĕch jang; pơm hơdăh ‘lơ̆ng jing grŭp hơnăp jang tơklep hăm bơ̆jang rĕnh păng ‘lơ̆ng, hơdai hăm hơtŏk loi dơ̆ng hơlen lăng, dăr lăng, vei sơđơ̆ng dôm tơdrong tơchơ̆t, tơdrong bơ̆jang đei tơlĕch jang jơnei.