'Măng năm bơ̆jang hlôi tơƀôh hơdăh anih dơ̆ng apŭng plĕnh teh đơ̆ng Việt Nam păng pơih ăn lơ tơdrong hiôk jang hơdai tơpă. Tơ̆ Hop akŏm tih BRICS 'măng mă 18, Thủ tướng Lê Minh Hưng đei ƀai iung pơma pơgơ̆r gĭt kăl, akŏm lơ̆m dôm tơdrong jang gĭt kăl đei teh đak tơ ‘ngla Ấn Độ kŭm hăm dôm teh đak jang lơ̆m BRICS tôch kơ bơngơ̆t truh. Lơ̆m 'măng năm bơ̆ jang, Thủ tướng Lê Minh Hưng đei jơ pơma đam gĭt kăl hăm Thủ tướng Ấn Độ Narendra Modi.

'Nâu jĭ 'măng vă Kơdră chĕp kơ̆l ƀar teh đak hơlen năng tơdrong jang hơdai đơ̆ng rŏng kơ 'măng năm ngôi gĭt kăl đơ̆ng Tổng Bí thư, Kơdră teh đak Tô Lâm truh tơ̆ Ấn Độ - khei 'năr ƀar teh đak hơtŏk tơdrong pơvei jing Jang hơdai Gĭt kăl Tôm tơdrong. Ƀar păh drơ̆ng nơ̆r dôm trong jang, tơdrong jang mă hơdăh vă pơm kiơ̆ dôm tơdrong drơ̆ng nơ̆r đơ̆ng kơdră kơpal tơ̆ hơnăp kơnh.