Hăm đon tơchĕng pơtho pơhrăm ‘noh jĭ tơdrong jang tơgŭm hơdrol kơ teh đak, Thủ tướng Lê Minh Hưng pơma hơdăh, Đảng, Teh đak păng đĭ đăng lơ̆m tơpôl ling lang ‘măn tơdrong bơngơ̆t truh gĭt kăl ăn pơtho pơhrăm. Sơnăm hŏk ‘nao 2026 - 2027 tơlĕch ăn athei tôch kơ jung ‘noh jĭ athei pơm tơdrong pran păng tơplih ‘lơ̆ng lơ̆m pơtho pơhrăm.

Tơdrong tơm hơtuch ‘noh jĭ bơngai hŏk ‘lơ̆ng hloh, bơngai thây ‘lơ̆ng hloh, hnam trưng ‘lơ̆ng hloh păng bơngai jang kơ teh đak kŭm ‘lơ̆ng hloh. Thủ tướng lui ngeh hăm đon hơdrin, jơhngơ̆m jang tơnăp, khŏm jang, hơpơi ‘meh tơplih ‘nao sơnăm 2026 - 2027 tơpă jing sơnăm hŏk tơplih ‘nao đon tơchĕng, tơplih pran kơtang păng đei yua ‘lơ̆ng; pơm tơdrong ‘lơ̆ng kơjăp vă jang hơtŏk tơiung pơtho pơhrăm, hơnhăk teh đak roi ‘năr roi pơdrŏng tơ̆ hơnăp kơnh.