Ƀar păh hôn bơnê dôm tơdrong iŏk đei jang hơdoi lơ̆m khei năr au ki, mă kăl ‘nŏh mơdro sa ƀar păh hơnơ̆ng tŏk kơtang, iŏk đei 5 ti 300 triu dolar sơnăm 2022, tŏk 10% pơtêng hăm sơnăm 2021.

Thủ tướng Teh đak ‘meh vă Phalăng pơjing rơvơn ăn tơmam drăm tĕch mơdro đơ̆ng Việt Nam, mă kăl tơmam drăm choh jang sa ka hơdang đei tĕch mơdro tơ̆ Phalăng; ‘meh vă ƀar păh hơnơ̆ng jang hơdoi kơjăp, pơgĕnh rim tơdrong rơvơn tih tên đơ̆ng Tơdrong tơchơ̆t Mơdro sa Hiôk hian Việt Nam - EU vă atŏk kơtang tĕch mơdro dih băl. Ƀlep lơ̆m jơ ‘năr au, Thủ tướng Teh đak athei Phalăng hrôih kĭ tơchơ̆t Tơdrong tơchơ̆t tơmơ̆t jên jang Việt Nam – EU vă pơjing rơvơn ăn tơgoăt tơgoăl tơmơ̆t jên jang hơtŏ hơơnơ̆ng, đei iŏk yua ăn pơđĭ ƀar teh đak; pơtrŭt athei Hơnih bơ̆ jang châu Âu hrôih sut hŭt kơthe dreng IUU hăm tơmam drăm ka hơdang Việt Nam, trŏ lăp ăn tơdrong đei yua ăn bơngai răt yua kơ Phalăng păng EU adoi nhen sơđơ̆ng tơdrong erih sa ăn kơ hrĕng rơbau ‘nu bơngai jang lơ̆m hơnih jang rôp ka hơdang Việt Nam.